ឈ្នះហើយ Gnabry នៅឆ្លៀតបាញ់ Chelsea និង Spurs ថា London នៅតែពណ៌ក្រហម
- 2020-02-26 03:00:14
- ចំនួនមតិ 0 | ចំនួនចែករំលែក 0
ឈ្នះហើយ Gnabry នៅឆ្លៀតបាញ់ Chelsea និង Spurs ថា London នៅតែពណ៌ក្រហម
ចន្លោះមិនឃើញ
ខ្សែបម្រើប្រយុទ្ធ Serge Gnabry ធ្វើបាន២គ្រាប់ក្នុងជំនួបជាមួយ Chelsea កាលពីយប់មិញនៅទឹកដីប្រទេសអង់គ្លេស ហើយក៏ជាគ្រាប់ទី៦ ដែលគេធ្វើបានក្នុងទីក្រុងឡុងដ៏ ពានរង្វាន់ Champions League រដូវកាលនេះ។
អតីតកីឡាកររបស់ Arsenal ខាងលើបានសរសេរលើបណ្ដាញសង្គម Twitter ក្រោយបញ្ចប់ការប្រកួតថា “London នៅតែពណ៌ក្រហម”។ Gnabry វ័យ២៤ឆ្នាំដែលចាកចេញពីកាំភ្លើងធំមកកាន់ Bayern Munich កាលពីឆ្នាំ២០១៧ រកបាន៤គ្រាប់ម្នាក់ឯង យកជ័យជម្នះលើ Spurs ៧-២ ក្នុងទីក្រុងឡុងដ៏ វគ្គសន្សំពិន្ទុកាលពីខែ តុលា។
និយាយបន្ទាប់ពីបញ្ចប់ការប្រកួត Gnabry សញ្ជាតិអាល្លឺម៉ង់លើកឡើងថា៖ “ខ្ញុំតែងតែរីករាយគ្រប់ពេលដែលមកទីក្រុងឡុងដ៏ ខ្ញុំមានមិត្តច្រើននៅទីនេះ។ ពួកយើងដឹង ពួកយើងត្រូវតែអត់ធ្មត់។ ពួកយើងមានការប្រកួតក្រោមការគ្រប់គ្រង។ ដឹងពួកយើងមានឱកាសច្រើន ហើយនៅទីបញ្ចប់ពួកយើងអាចធ្វើវាបាន។ ប៉ុន្តែឆ្នាំមុន Liverpool យកឈ្នះ Barcelona ៣-០ ពួកយើងត្រូវតែយកចិត្តទុកដាក់”។
បរាជ័យ ៣-០ គឺជាការចាញ់ដ៏អាក្រក់បំផុតក្នុងផ្ទះខ្លួនឯងសម្រាប់ Chelsea នៅពានរង្វាន់ទ្វីបអឺរ៉ុប៕