Ighalo រកបានគ្រាប់ដំបូង ជួយ Man Utd ឈ្នះជើងទីពីរ ៥-០
- 2020-02-28 02:28:52
- ចំនួនមតិ 0 | ចំនួនចែករំលែក 0
Ighalo រកបានគ្រាប់ដំបូង ជួយ Man Utd ឈ្នះជើងទីពីរ ៥-០
ចន្លោះមិនឃើញ
ខ្សែប្រយុទ្ធចំណូលថ្មី Odion Ighalo រកបានគ្រាប់ដំបូងឲ្យ Manchester United យកឈ្នះ Club Bruges ៥-០ ជើងទីពីរ ឡើងវគ្គ១៦ក្រុមចុងក្រោយពាន Europa League។
ការប្រកួតចាប់ផ្ដើមបានតែ២៣នាទី Simon Deliរបស់ Club Brugeត្រូវពិន័យទទួលបានកាតក្រហមបណ្ដេញចេញពីទីលាន។ គ្រាប់ដំបូងរបស់បិសាចក្រហមកើតឡើងដោយការប៉េណាល់ទីរបស់ Bruno Fernandes នាទី២៧ មុនពេល Odion Ighalo ជាអ្នករកបានគ្រាប់ទី២ ដែលជាគ្រាប់ដំបូងរបស់ខ្លួនចាប់តាំងពីចូលរួមជាមួយ Man Utd កាលពីខែមករា។
៣គ្រាប់ផ្សេងទៀតរបស់ United រកបានដោយ Fred ២គ្រាប់ម្នាក់ឯង និង Scott McTominay រកបានមួយគ្រាប់។ សរុបលទ្ធផលទាំងពីរជើង Man Utd ឈ្នះ ៦-១ បានឈានទៅវគ្គបន្ត។
សម្រាប់ក្រុមអង់គ្លេសមួយទៀតគឺ Wolves ក៏បានឡើងទៅកាន់វគ្គ១៦ក្រុមចុងក្រោយដែរ ក្រោយសរុបទាំងពីរឈ្នះ ៦-៣ លើ Espanyol៕