ផលិតកម្ម SM, Suga, IU, JB និងតារាល្បីផ្សេងទៀតបន្តផ្ដល់ជំនួយប្រឆាំងជំងឺ COVID-19
- 2020-02-28 02:47:45
- ចំនួនមតិ 0 | ចំនួនចែករំលែក 0
ផលិតកម្ម SM, Suga, IU, JB និងតារាល្បីផ្សេងទៀតបន្តផ្ដល់ជំនួយប្រឆាំងជំងឺ COVID-19
ចន្លោះមិនឃើញ
ផ្អែកតាមបណ្ដាញផ្សព្វផ្សាយកូរ៉េបានឲ្យដឹងថា តារាជាច្រើននាក់បានបន្តផ្ដល់ជំនួយច្រើនបន្តបន្ទាប់ក្នុងយុទ្ធនាការជួយសង្គ្រោះជនរងគ្រោះ ឬអ្នកដែលមានជីវភាពខ្វះខាត ធ្វើយ៉ាងណាអាចរួចផុតពីការគមរាមកំហែងពីជំងឺឆ្លង COVID-19។ ជាមួយគ្នានោះ Sabay ក៏បាន Update ព័ត៌មាននៃការផ្ដល់ជំនួយរបស់តារាកូរ៉េជាច្រើននាក់ម្ដងរួចមកហើយ។
ចុចអាន៖ ជំងឺឆ្លង COVID-19 កំពុងវាយលុកពេញកូរ៉េ ងាកមើលតើតារាណាខ្លះខ្នះខ្នែងផ្ដល់ជំនួយ?
ដោយឡែកនៅថ្ងៃទី ២៨ ខែកុម្ភៈនេះ បណ្ដាញផ្សព្វផ្សាយជាច្រើនបានឲ្យដឹងថា ផលិតកម្ម SM បានបរិច្ចាគទឹកប្រាក់ដល់ទៅ ៥០០លានវ៉ុន (៤១១ ៧៧១ដុល្លារ) ដល់អង្គការ សប្បុរសធម៌ "Hope Bridge Korea Disaster Relief Association”។
យ៉ាងណាមិញកាលពីថ្ងៃទី ២៧ ខែកុម្ភៈ ក៏មានសេចក្ដីរាយការណ៍ផងដែរថា Suga (សមាជិក BTS) បានបរិច្ចាគលុយផ្ទាល់ដល់ទៅ ១០០លានវ៉ុន (ខ្ទង់ ៨២ ២៨៩ដុល្លារ) ដើម្បីជួយដល់ក្រុង Daegu ដែលក៏ជាកន្លែងកំណើតរបស់លោកផងដែរ។
ក្រៅពីSuga ក៏ឃើញថាមានតារាផ្សេងទៀតដូចជា IU តារាស្រីដែលមិនដែលបាត់មុខក្នុងសកម្មភាពមនុស្សធម៌ក៏បានឩបត្ថម្ភ ២០០លានវ៉ុនឯណោះ (ខ្ទង់ ១៦៤ ៥៧៣ដុល្លារ)។
ក្រៅពីនេះក៏នៅមានបុគ្គលល្បីផ្សេងទៀតដូចជា៖
Kim Yuna អតីតកីឡាការិនីជិះស្គីលើទឹកកក ឧបត្ថម្ភ ១៨៥លានវ៉ុន ១៨៥លានវ៉ុន (ខ្ទង់ ១៥២ ២៤៨ដុល្លារ)
តារាសម្ដែង Kim Hee Sun ឧបត្ថម្ភ ១០០លានវ៉ុន
តារាកំប្លែង Seo Jang Hoon ឧបត្ថម្ភ ១០០លានវ៉ុន
ពិធីករ Kang Ho Dong ឧបត្ថម្ភ ១០០លានវ៉ុន
តារាសម្ដែង Song Joong Ki ឧបត្ថម្ភ ១០០លានវ៉ុន
តារាសម្ដែង So Yoo Jin ឧបត្ថម្ភ ១០០លានវ៉ុន
តារាសម្ដែង Lee Byung Hun ឧបត្ថម្ភ ១០០លានវ៉ុន
តារាសម្ដែង Kim Hye Soo ឧបត្ថម្ភ ១០០លានវ៉ុន
តារាសម្ដែង Soo Ae ឧបត្ថម្ភ ៥០លានវ៉ុន
តារាសម្ដែង Park Shin Hye ឧបត្ថម្ភ ៥០លានវ៉ុន
តារាសម្ដែង Yoo Hae Jin ឧបត្ថម្ភ ៥០លានវ៉ុន
អ្នកនិពន្ធរឿងភាគ Kim Eun Sook ឧបត្ថម្ភ ៥០លានវ៉ុន
Lee Soo (សមាជិកក្រុម MC The Max) ឧបត្ថម្ភ ៥០លានវ៉ុន
តារាសម្ដែង Seol In Ah ឧបត្ថម្ភ ១០លានវ៉ុន
JB (មេក្រុម GOT7) ឧបត្ថម្ភ ១០លានវ៉ុន
តារាកំប្លែង Park Myung Soo ឧបត្ថម្ភ ២ម៉ឺនម៉ាស
តារាចម្រៀង Baek Ji Young ឧបត្ថម្ភ ១ម៉ឺនម៉ាស
តារាចម្រៀង Hyomin ឧបត្ថម្ភ ៣ពាន់ម៉ាស