ជនសង្ស័យ២នាក់ ជិះកង់បីឥណ្ឌា ចុះមកកាច់កញ្ចក់រថយន្ត ឥលូវចាប់បានហើយ
- 2020-02-28 03:52:13
- ចំនួនមតិ 0 | ចំនួនចែករំលែក 0
ជនសង្ស័យ២នាក់ ជិះកង់បីឥណ្ឌា ចុះមកកាច់កញ្ចក់រថយន្ត ឥលូវចាប់បានហើយ
ចន្លោះមិនឃើញ
កម្លាំងជំនាញ ឃាត់ជនសង្ស័យ២ នាក់ ពាក់ព័ន្ធលួចកាច់កញ្ចក់រថយន្ត។ នេះបើយោងតាមការចុះផ្សាយរបស់គេហទំព័រ អគ្គស្នងការនគរបាលជាតិ។
ប្រភពដដែលបានឲ្យដឹងទៀតថា កាលពីថ្ងៃទី២៤ ខែកុម្ភៈ ឆ្នាំ ២០២០ វេលាម៉ោង១៨ និង៤៥នាទី នៅចំណុចផ្ទះសំណាក់មិនចាំយីហោ ផ្ទះលេខ៩៥ ផ្លូវលេខ៨១ ភូមិ១០ សង្កាត់បឹងរាំង ខណ្ឌដូនពេញ កម្លាំងជំនាញ បានឃាត់ជនសង្ស័យ២នាក់ ពាក់ព័ន្ធលួចកាច់កញ្ចក់ចំហៀងខាងស្តាំរថយន្តម៉ាក TOYOTA LEXUS NX 200T គ្មានស្លាកលេខ)។
សមត្ថកិច្ចជំនាញបានឲ្យដឹងថា ជនសង្ស័យទាំង២នាក់ ពាក់ព័ន្ធប្រព្រឹត្តបទល្មើសអំពើលួច (កាច់កញ្ចក់ចំហៀងខាងស្តាំរថយន្តម៉ាក TOYOTA LEXUS NX 200T គ្មានស្លាកលេខ) ដែលប្រព្រឹត្តនៅចំណុចមុខផ្ទះ៨ដេអឺ០ ផ្លូវលេខ៣៣៨ ភូមិ៤ សង្កាត់ទួលស្វាយព្រៃ១ ខណ្ឌបឹងកេងកង រាជធានីភ្នំពេញ កាលពីថ្ងៃទី២១ ខែកុម្ភៈ ឆ្នាំ២០២០ វេលាម៉ោង១៨ និង៤៧នាទី និងចាប់យកវត្ថុតាងបញ្ជូនមកការិយាល័យដើម្បីចាត់ការតាមនីតិវិធី៕
វីដេអូសកម្មភាពកាច់កញ្ចក់ ដែលវីដេអូនេះ គេបង្ហោះតាមបណ្ដាញសង្គម នៅមុនចាប់បានជនសង្ស័យខាងលើ