លែងឆ្ងល់ ពេល BlackPink ប្រាប់ត្រង់ៗពីអាថ៌កំបាំងស្បែកស្អាតតាមវិធីទាំង៦នេះ

2020-03-02 05:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

BlackPink ជាក្រុមនារីដែលគេទទួលស្គាល់ថា មានស្បែកសម៉ត់រលោង គួរឲ្យច្រណែន។ បើទោះពួកគេចំណាយពេលច្រើនលើការហាត់រាំ ប្រគំតន្ត្រី និងឡើងកម្មវិធីផ្សេងៗ តែសុខភាពស្បែករបស់ពួកគេនៅតែរក្សាបានភាពស្រស់ស្អាតជានិច្ច។ BlackPink បានបង្ហើបពីគោលការណ៍សាមញ្ញ៦យ៉ាង ដែលសមាជិកក្រុមម្នាក់ៗតែងអនុវត្ត ហើយផ្ដល់ទំនុកចិត្តដល់ពួកគេរហូតអ្នកគាំទ្រណាក៏សរសើរ។

១. ផឹកទឹកឲ្យបានច្រើន គឺមិនអាចខ្វះបាន

Jennie តែងតែផឹកទឹកមួយកែវជារៀងរាល់ព្រឹក។ នាងអនុវត្តបែបនេះជាប្រចាំថ្ងៃដើម្បីបន្សុទ្ធរាងកាយនិងផ្ដល់ជាតិទឹកដល់ស្បែក។

២. យកចិត្តទុកដាក់លើការថែរក្សាស្បែក

Jisoo គឺជាតារាចម្រៀងម្នាក់ដែលចំណាយខ្លាំងលើផលិតផលថែរក្សាស្បែកច្រើនជាងទិញគ្រឿង Makeup។ នាងតែងយកចិត្តទុកដាក់ថែស្បែកដោយប្រើផលិតផលណាជួយឲ្យស្បែកមើលទៅភ្លឺថ្លាមានសុខភាពល្អ ព្រោះ jisoo យល់ថា នៅពេលមានស្បែកស្អាតហើយ ទោះមិនផាត់មុខ ក៏នៅតែមានទំនុកចិត្តក្នុងការឈរនៅទីសាធារណៈដែរ។

៣. បិទម៉ាសជាប្រចាំគឺរឿងសំខាន់ខានមិនបាន

ទាំង Lisa និង Jisoo ចូលចិត្តបិទម៉ាសណាស់ ព្រោះគ្រាន់តែបិទម៉ាសគឺអាចឲ្យស្បែកស្រូបយកជីវជាតិនិងសម្រាកបានដល់ទៅ ១៥នាទី ដើម្បីទទួលបានស្បែកម៉ត់រលោងបាន។ ពួកគេបិទទាំងម៉ាសសន្លឹក និងម៉ាសលាបមុខពេលយប់។

៤. ផ្ដល់វីតាមីននិងខូឡាជែនតាមរយៈអាហារ

Rose ធ្លាប់និយាយថា ពេលទំនេរនាងចូលចិត្តញ៉ាំស៊ុបមាន់ខ្លាំងណាស់។ ជាទូទៅ ស៊ុបមាន់ផ្ដល់ខូឡាជែនដល់ស្បែក ហើយម្យ៉ាងនាងក៏នៅក្មេងដូច្នេះការផ្ដល់ខូឡាជែនជាប្រចាំតាមរយៈអាហារនឹងមិនធ្វើឲ្យស្បែកហត់នឿយ។ លើសពីនេះ នាងតែងហូបអាហារផ្ទុកវីតាមីន C ដែលមានប្រសិទ្ធភាពជួយស្បែកឲ្យមានសំណើមនិងទន់រលោង។

៥. លាងសម្អាតកាកសំណល់លើមុខឲ្យបាន ២-៣ ដងក្នុងមួយសប្ដាហ៍

ការងារជាតារាចៀសមិនរួចពីការផាត់មុខ។ គ្រឿងសម្អាងទុំជាប់លើមុខយូរម៉ោងធ្វើឲ្យរន្ធរោមរីកធំ និងឆាប់ឡើងខ្លាញ់។ ដូច្នេះ Rose តែងប្រើ Scrub ជម្រះមុខនិងបបូរមាត់ទៀងទាត់គឺ ២-៣ ដងក្នុងមួយសប្ដាហ៍ ព្រោះពេលស្បែកអស់កាកសំណល់ហើយ ចង់ថែស្បែកឲ្យស្រស់ថ្លាគឺជារឿងងាយបំផុត។

៦. ផ្ដល់សំណើមនិងម៉ាស្សាមុខ

ប្រហែលមាននារីជាច្រើនកម្រម៉ាស្សាមុខរបស់ពួកគេណាស់ តែការធ្វើបែបនេះញឹកញាប់នឹងជួយឲ្យចរន្តឈាមរត់បានស្រួល ជួយស្បែកឲ្យមានភាពយឺតនិងរឹងមាំ។ ការម៉ាស្សាមុខពិតជាសំខាន់ លើសពីនេះការផ្ដល់សំណើមដល់ស្បែកមុខក៏ខានមិនបានដូចគ្នា ៕