Lisa នឹងចេញសៀវភៅកម្រងរូបក្រៅឆាក ស្នាដៃថតរបស់នាងនៅថ្ងៃកំណើតខាងមុខ

2020-03-13 01:58:01
ចំនួនមតិ 0 | ចំនួនចែករំលែក 0

ចន្លោះមិនឃើញ

Lisa តារាចម្រៀងក្រុម BLACKPINK បានរៀបចំចំណងដៃដ៏ពិសេសមួយជូនដល់អ្នកគាំទ្រទាំងអស់ ដែលនោះ គឺជារៀវភៅរូបថត ដែលនាងថតដោយខ្លួនឯងផ្ទាល់។

សៀវភៅដែលមានឈ្មោះថា «0327» ឈ្មោះយកលេខតាមថ្ងៃខែកំណើតរបស់ Lisa នេះ ជាសៀវភៅប្រជុំទៅដោយបណ្ដុំរូបថតដែល Lisa ថតផ្ទាល់ ដោយផ្ដិតយកសកម្មភាពក្រៅឆាកជាច្រើនអំឡុងពេលថតម៉ូដផ្លូវការឲ្យទស្សនាវដ្ដីជាច្រើន សកម្មភាពក្រៅឆាកពេលទៅចូលរួមកម្មវិធីបង្ហាញម៉ូដ និងការប្រគំតន្ត្រីជាដើម។ មួយវិញទៀតមិនមែនត្រឹមមានតែរូបស្នាដៃរបស់ Lisa ទេ ក្នុងនោះមានទាំងរូបថតដោយ Jisoo, Jennie និង Rosé ផងដែរ។

សូមបញ្ជាក់ផងដែរថា សៀវភៅនេះនឹងចេញជាផ្លូវការនៅថ្ងៃទី ២៧ ខែមីនា មានន័យថាចំថ្ងៃខួបកំណើតរបស់ Lisa។ ឯចំនួនបោះពុម្ពវិញមានកំណត់ គឺត្រឹមតែ ៣២៧ក្បាលប៉ុណ្ណោះ ដោយក្នុងសៀវភៅមួយក្បាលៗ សុទ្ធតែមានហត្ថលេខារបស់ Lisa ទាំងអស់៕

ប្រភព៖ Allkpop ប្រែសម្រួល៖ យី សុធារី