ដឹងថ្ងៃប្រកាសចេញទូរសព្ទប្រើឈីប Snapdragon 865 តម្លៃធូរថ្លៃ

2020-03-17 08:21:46
ចំនួនមតិ 0 | ចំនួនចែករំលែក 0

ចន្លោះមិនឃើញ

Redmi K30 បានប្រកាសចេញកាលពីខែធ្នូ ឆ្នាំ ២០១៩ ហើយពេលនេះក្រុមហ៊ុនបានបញ្ជាក់អំពីវត្តមានប្រភេទ Pro ដែលនឹងប្រកាសចេញនាថ្ងៃទី ២៤ ខែមីនា។ Redmi ក៏បានបញ្ជាក់ដែរថាស្មាតហ្វូនថ្មីនេះនឹងប្រើបន្ទះឈីប Snapdragon 865 និងទ្រាំទ្រប្រព័ន្ធ 5G ទៀតផង។

ដំណឹងលេចធ្លាយកន្លងមកបានឲ្យដឹងថា K30 Pro នឹងមានបំពាក់អេក្រង់គ្មានក្បាលឆក ដែលទំនងជាមាន Refresh Rate 120Hz ដូចជា K30 ដែរ។ ប៉ុន្តែគេនៅរង់ចាំមើលសិនថាមានការប្ដូរប្រើអេក្រង់ OLED ឬនៅប្រើអេក្រង់ LCD។

រូបភាពលេចធ្លាយកាលពីថ្មីៗនៃ K30 Pro បានបង្ហាញថានៅផ្នែកខាងក្រោយមានបំពាក់កាមេរ៉ា ៤ គ្រាប់ មានរាងជារង្វង់។ កាមេរ៉ាមេគឺជា Sensor Sony IMX686 ដែលមានទំហំ ៦៤MP ហើយបីគ្រាប់ទៀតនៅមិនទាន់ដឹងនៅឡើយ។

K30 ធម្មតាគឺបំពាក់ថ្មទំហំ ៤៥០០ mAh និងកម្លាំងសាក ២៧ វ៉ាត់ ប៉ុន្តែសម្រាប់ប្រភេទ Pro គឺមានបំពាក់ទំហំថ្ម ៤៧០០ mAh និងមានល្បឿនសាក ៣៣ វ៉ាត់។ ចំពោះតម្លៃតាមប្រភពពីគេហទំព័រចិនមួយបានទម្លាយថាម៉ូឌែលនេះអាចមានតម្លៃត្រឹម ៤៣០ ដុល្លារ តែប៉ុណ្ណោះ ពោលប្រហាក់ប្រហែលនឹងជំនាន់ K20 Pro កាលចេញដំបូងកាលពីឆ្នាំ ២០១៩ ដែរ៕

ប្រភព៖ GSMarena ប្រែសម្រួល៖ សុខហេង