vivo ថាសូម្បីតែទូរសព្ទតម្លៃ ២១៥ដុល្លារ ក៏នឹងមាន 5G ដែរ
- 2020-03-19 03:22:57
- ចំនួនមតិ 0 | ចំនួនចែករំលែក 0
vivo ថាសូម្បីតែទូរសព្ទតម្លៃ ២១៥ដុល្លារ ក៏នឹងមាន 5G ដែរ
ចន្លោះមិនឃើញ
ក្នុងកិច្ចសម្ភាសន៍ដ៏វែងអន្លាយមួយ អនុប្រធាននៃ vivo លោក Liu Hong បានចែករំលែកអំពីរឿងរ៉ាវរបស់ក្រុមហ៊ុន និងអំពីផែនការនៃស្មាតហ្វូន 5G នាពេលខាងមុខ។
លោក Liu Hong បានពន្យល់ថានាពេលនេះក្រុមហ៊ុនកំពុងស្ថិតនៅលើគន្លង ជាមួយផែនការផលិតទូរសព្ទ 5G ឲ្យបានរហូតដល់ ១០ម៉ឺនគ្រឿងក្នុងមួយថ្ងៃ ដោយសារតម្រូវការខ្ពស់លើសការរំពឹងទុក។ ក្រុមហ៊ុនក៏បានព្យាករណ៍អំពីការធ្លាក់ចុះចំនួនលក់ពី ៣០% ទៅ ៥០% នៅត្រីមាសដំបូងនៃឆ្នាំ ២០២០ នេះ បន្ទាប់ពីការផ្ទុះកូវីដ១៩ ដែលបណ្ដាលឲ្យមានការពន្យារពេលលើការផលិត និងចំនួនអតិថិជនធ្លាក់ចុះ។
លោក Liu Hong បាននិយាយថាក្រុមហ៊ុនគឺបានផ្លាស់ប្ដូរពី 4G ទៅកាន់ 5G ដោយសារក្រុមហ៊ុនធំៗជាច្រើននៅចិនបានបញ្ឈប់ផលិតទូរសព្ទ 4G ដែលមានតម្លៃលើសពី ២៥០ ដុល្លារ។ ក្រុមហ៊ុនបានរំពឹងទុកថាទូរសព្ទ 5G នឹងមានតម្លៃទាបបំផុតប្រមាណ ២១៥ ដុល្លារ នៅត្រឹមត្រីមាសទី ៤ នៃឆ្នាំ ២០២០ នេះ៕