ដាក់ផ្ទឹមគ្នាមើល! ទូរសព្ទ Nokia 5310 ស៊េរី ២០២០ និងស៊េរី ២០០៧ ខុសគ្នាយ៉ាងណា?

2020-03-24 07:38:03
ចំនួនមតិ 0 | ចំនួនចែករំលែក 0

ចន្លោះមិនឃើញ

Nokia 5310 ដែលចេញកាលពីឆ្នាំ ២០០៧ ត្រូវបានក្រុមហ៊ុន HMD Global ធ្វើការអភិវឌ្ឍ កែសម្រួលលើរូបរាង និងបន្ថែមបច្ចេកវិទ្យាថ្មីៗមួយចំនួនសម្រាប់ដាក់លក់លើទីផ្សារជាស៊េរីឆ្នាំ ២០២០។ តទៅនេះជាការប្រៀបធៀបគ្នារវាងទូរសព្ទ Nokia 5310 ស៊េរីចាស់ និងស៊េរីថ្មី

Nokia 5310 ឆ្នាំ ២០២០ (ខាងឆ្វេង) មានទំហំ ១២៣,៧x៥២,៤x១៣,១ ម.ម ទម្ងន់ ៨៨,២ ក្រាម ចំណែកស៊េរីចាស់មានទំហំ ១០៣,៨x៤៤,៧x៩,៩ ម.ម និងទម្ងន់ ៧១ ក្រាម

អេក្រង់មួយមានទំហំ ២,៤ អ៊ីញ និងមួយទៀតទំហំ ២,១ អ៊ីញ ហើយស៊េរីថ្មីគឺមានរន្ធ Speaker ធំនិងវែងជាងមុន

វាទាំងពីរមានបំពាក់ក្ដារចុច T9 ដូចគ្នា

វាទាំងពីរមានប្រព័ន្ធប៊ូតុងបញ្ជាលើការចាក់ចម្រៀងដាច់ដោយឡែក គ្រាន់តែស៊េរីចាស់ប៊ូតុងនៅខាងឆ្វេង ចំណែកស៊េរីថ្មីមានប៊ូតុងនៅខាងស្ដាំ

ផ្នែកខាងក្រោយមានបំពាក់កាមេរ៉ាមួយគ្រាប់ដូចគ្នា ហើយស៊េរីថ្មីមានបន្ថែម Flash មួយគ្រាប់

នៅខាងលើ 5310 ស៊េរីចាស់មានប៊ូតុង Power រន្ធកាស និងរន្ធ microUSB សម្រាប់ការផ្ទេរទិន្នន័យ ចំណែក 5310 ស៊េរីថ្មីមានរន្ធ microUSB ដែលអាចផ្ទេរទិន្នន័យផង និងសាកថ្មបានផង រួមជាមួយរន្ធកាស