Facebook ទទួលស្គាល់ថាចំនួនប្រើប្រាស់កើនឡើងខ្លាំង ប៉ុន្តែក្រពុលមុខរឿងមួយ
- 2020-03-25 02:52:46
- ចំនួនមតិ 0 | ចំនួនចែករំលែក 0
Facebook ទទួលស្គាល់ថាចំនួនប្រើប្រាស់កើនឡើងខ្លាំង ប៉ុន្តែក្រពុលមុខរឿងមួយ
ចន្លោះមិនឃើញ
កាលពីថ្ងៃអង្គារកន្លងទៅ Facebook បានប្រាប់ឲ្យដឹងតាមរយៈការបង្ហោះលើវិបសាយរបស់ខ្លួនថា ចំនួននៃការប្រើប្រាស់ប្រព័ន្ធរបស់ខ្លួនមានការកើនឡើងទូទាំងពិភពលោក អំឡុងពេលដែលកូវីដ១៩រាតត្បាត។
យ៉ាងណាក្ដីការប្រើប្រាស់ភាគច្រើនគឺប្រមូលផ្ដុំទៅលើការផ្ញើសារ និងការហៅចេញជាវីដេអូ ដែលពួកវាជាផលិតផលដែលក្រុមហ៊ុន Facebook មិនបានរកចំណូលបាន។ ជាលទ្ធផល Facebook និយាយថាអាជីវកម្មរបស់ខ្លួនគឺកំពុងប្រឈមមុខនឹងបញ្ហាទាក់ទងចំណូល ខណៈដែលខ្លួនត្រូវថែទាំសេវាកម្មរបស់ខ្លួនឲ្យមានស្ថិរភាព។
ការបង្ហោះដែលរៀបរាប់ដោយប្រធានផ្នែកវិភាគ Alex Schultz និងប្រធានផ្នែកវិស្វកម្ម Jay Parikh បានឲ្យដឹងថាការផ្ញើសារនៅលើ Facebook Instagram និង WhatsApp មានការកើនឡើងក្នុងតំបន់ដែលរងការវាយប្រហារពីកូវដី១៩ខ្លាំង ដូចជានៅអ៊ីតាលីមានការកើនឡើងជាង ៥០%។ ចំណែកការហៅចេញជាវីដេអូលើ Messenger និង WhatsApp ក្នុងតំបន់ទាំងនោះក៏មានការកើនឡើងទ្វេដងផងដែរ។
អ្នកទាំងពីរបានបន្ថែមថា ទន្ទឹមនឹងការកើនឡើងចំនួនប្រើប្រាស់នេះដែរ ការចំណាយលើការផ្សព្វផ្សាយលើប្រព័ន្ធឌីជីថលមានការធ្លាក់ចុះនៅក្នុងប្រទេសដែលបានបិទប្រទេសរបស់ខ្លួន ដើម្បីកាត់បន្ថយការរាតត្បាតកូវីដ១៩។ ដូចនេះ Facebook ក៏រងផលប៉ះពាល់ដូចជាអាជីវកម្មដទៃទៀតដែរ៕