អ៊ឹម ជីវ៉ា ជួយមឈូស ខណៈសិល្បករជាច្រើនរំជួលចិត្តក្រោយ កំប៉ោយចៅតា មរណភាពក្នុងថ្ងៃនេះ

2020-03-25 10:37:05
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក អ៊ឹម ជីវ៉ា នៅរសៀលនេះ បានចេញមុខឧបត្ថម្ភដល់សពតារាកំប្លែង កំប៉ោយចៅតា ដែលទទួលមរណភាពនៅក្នុងថ្ងៃនេះ នៅមន្ទីរពេទ្យកាល់ម៉ែត្រ ជាទីដែលនាយបានជ្រកកោណតស៊ូនឹងជំងឺរ៉ាំរ៉ៃជាច្រើនខែ។

អ៊ឹម ជីវ៉ា ថ្លែងថា "ខ្ញុំបាទ អុឹម ជីវ៉ា សូមចូលរួមចេញថ្លៃក្តារមឈូសក្នុងពិធីបុណ្យសពតារាកំប្លែង នាយប៉ោយ និងសូមវិញ្ញាណខន្តនាយ ប៉ោយ បានទៅកាន់សុគតិភពកុំបីឃ្លៀងឃ្លាតឡើយ"។ ប្រិយមិត្តជាច្រើនបានចូលរួមកោតសរសើរចំពោះតារារូបនេះ ដោយពួកគេលើកឡើងថា ជាសកម្មភាពបុណ្យកុសលដ៏ប្រសើរ។

នៅមានតារាជាច្រើនទៀតដូចជា លោក ហេង សារ៉េត ខាត់ សួស្ដី សុទ្ធតែស្លុតចិត្តក្រោយដំណឹង កំប៉ោយចៅតា ទទួលមរណភាព។

កំប៉ោយចៅតា បានបាត់បង់ជីវិតនៅថ្ងៃទី ២៥ មីនា នេះ ដោយជំងឺនៅមន្ទីរពេទ្យកាល់ម៉ែត្រ។ មកទល់ពេលនេះមិនទាន់ដឹងនៅឡើយថា នាយស្លាប់ដោយជំងឺអ្វី។ កន្លងមក គេធ្លាប់បានដឹងថា តារាកំប្លែងវ័យក្មេង និងមានជីវភាពខ្សត់ខ្សោយរូបនេះ មានជំងឺតម្រងនោម និងខ្វះឈាម ដែលជំងឺទាំងពីមុខនេះ បានធ្វើទុក្ខនាយខ្លាំងតាំងពីចុងឆ្នាំ ២០១៩។

មរណភាពរបស់ប្អូនជីទួតមួយអ្នកនាង ខាត់ សុឃីម បាននាំឲ្យមានការសោកស្ដាយពីរៀមច្បងសិល្បៈជាច្រើន។ លោក ប៉ែន ចំរុង បានថ្លែងថា លោកសោកស្ដាយតារាកំប្លែងកម្សត់រូបនេះខ្លាំងណាស់ ព្រោះនាយជាសិល្បករមានទេពកោសល្យថែមទាំងមានសីលធម៌ល្អថែមទៀត។ "បងប្អូនអើយ ពេលនេះប្អូនប្រុស កំប៉ោយចៅតា បានលាចាកលោកនេះហើយ

អត្ថបទ៖ ទារិកា