រដូវកាលក្រោយ យុវជនឆ្នើម៣រូបនេះ នឹងលេងរួមគ្នាឱ្យ Barcelona
- 2020-03-27 08:23:41
- ចំនួនមតិ 0 | ចំនួនចែករំលែក 0
រដូវកាលក្រោយ យុវជនឆ្នើម៣រូបនេះ នឹងលេងរួមគ្នាឱ្យ Barcelona
ចន្លោះមិនឃើញ
យុវជនឆ្នើម៣រូបរបស់ Barcelona គឺ Ansu Fati, Ronald Araujo និង Alex Collado នឹងត្រូវបានដាក់លេងជាមួយគ្នា ដើម្បីប្រជែងយកពានក្នុងរដូវកាលឆ្នាំ ២០២០-២០២១។
ចំពោះកីឡាករវ័យ១៧ឆ្នាំ Ansu Fati ដូចប្រិយមិត្តដឹងស្រាប់ រូបគេបានបង្ហាញខ្លួន២៤ដង គ្រប់ការប្រកួតរួចមកហើយ ឱ្យឈុតធំ Barcelona ហើយទម្រង់លេងរបស់គេ បានធ្វើឱ្យអ្នកទស្សនាមានការកោតសរសើរជាខ្លាំង។
ចំណែកកីឡាករវ័យ២១ឆ្នាំ Ronald Araujo ក៏បានបង្ហាញខ្លួនឱ្យឈុតធំជាលើកដំបូងរួចហើយដែរ កាល Barcelona ប្រកួតជាមួយ Sevilla នៅទឹកដី Camp Nou។ វត្តមានរបស់គេក៏មិនធម្មតាដែរ ហើយអ្នកចាត់ការលោក Quique Setien ត្រូវការគេចាំបាច់ដែរនៅតំបន់ការពារជាមួយ Gerard Pique ចំណែកខ្សែការពារ Jean Claire Todibo ទំនងជាចេញទៅលេងឱ្យក្លឹប Schalke។
ដោយឡែក Alex Collado ក៏ជាយុវជនវ័យក្មេងមួយរូបដែរ ដែលត្រូវបានគណៈគ្រប់គ្រងក្លឹបអ្នកមានបុណ្យ ត្រូវការឱ្យលេងនៅខ្សែបម្រើប្រយុទ្ធកណ្ដាល ឬខ្សែប្រយុទ្ធស្លាប។ បច្ចុប្បន្នរូបគេមានអាយុ ២០ឆ្នាំ។
បន្ថែមលើនេះអ្នកចាំទីវ័យ២១ឆ្នាំ Inaki Pena ដែលជានិច្ចកាលហ្វឹកហាត់ជាមួយក្រុមធំដែរនោះ ក៏ត្រូវបានលោក Setien ពិចារណាដាក់ឱ្យលេងដូចគ្នា៕