ណែនាំឲ្យស្គាល់ភូមិគ្រឹះរបស់ Neymar នៅប្រេស៊ីលមានទាំងកន្លែងចតឧទ្ធម្ភាគចក្រ
- 2020-04-01 02:42:46
- ចំនួនមតិ 0 | ចំនួនចែករំលែក 0
ណែនាំឲ្យស្គាល់ភូមិគ្រឹះរបស់ Neymar នៅប្រេស៊ីលមានទាំងកន្លែងចតឧទ្ធម្ភាគចក្រ
ចន្លោះមិនឃើញ
Neymar បានធ្វើដំណើរដោយយន្តហោះឯកជនទៅកាន់ប្រទេសប្រេស៊ីល ដើម្បីសម្រាកនិងរក្សាខ្លួននៅផ្ទះ ជៀសពីវីរុសសាហាវកូរ៉ូណា។
ទៅដល់ប្រទេសកំណើតខ្សែប្រយុទ្ធរបស់ PSG រូបនេះបានបង្ហោះរូបនៅជុំគ្នាជាមួយមិត្តភ័ក្ដិលេងបាល់ទះលើខ្សាច់។ សម្រាប់រូបនេះទទួលបានការរិះគន់មួយចំនួន ព្រោះពួកគេមិនបានធ្វើតាមច្បាប់ត្រឹមត្រូវនៃការដាក់ខ្លួនឲ្យដាច់ដោយឡែក បែរជាប្រមូលផ្ដុំនៅជុំគ្នាទៅវិញ។
មនុស្សទាំងអស់នេះបានចំណាយពេលនៅភូមិគ្រឹះរបស់ Neymar ដែលមានតម្លៃ៧លានផោន ៩៦គីឡូម៉ែត្រចុះពីឆ្នេរពីទីក្រុង Rio de Janeiro។ ជាការពិតភូមិគ្រឹះពិតជាប្រណិតខ្លាំង សមនឹង Neymar ដែលជាកីឡាករមានតម្លៃខ្លួនថ្លៃជាងគេលើលោក។
នៅខាងក្រៅបរិវេណផ្ទះមានកន្លែងចតឧទ្ធម្ភាគចក្រដ៏ទូលាយ ជាមួយនឹងអាងហែលទឹក ទីលានលេងតិន្នីស និងតារាងបាល់ទះ។ ចំណែកនៅខាងក្នុងរៀបចំច្នៃពេញភ្នែកគ្រប់កន្លែងតាំងពីទ្វារចូលដល់ផ្ទះបាយ៕