អតីតប្រធានក្លឹប Marseille បានទទួលមរណភាព ក្រោយឆ្លងកូវីដ
- 2020-04-01 10:49:06
- ចំនួនមតិ 0 | ចំនួនចែករំលែក 0
អតីតប្រធានក្លឹប Marseille បានទទួលមរណភាព ក្រោយឆ្លងកូវីដ
ចន្លោះមិនឃើញ
លោក Pape Diouf អតីតប្រធានក្លឹបបារាំង Marseille បានទទួលអនិច្ចកម្មហើយ កាលពីថ្ងៃអង្គារនេះ ក្រោយពីឆ្លងជំងឺកូវីដ ១៩។
បុរសជនជាតិសេណេហ្គាល់រូបនេះ បានបាត់បង់ក្នុងអាយុ ៦៨ឆ្នាំ។ លោកបានក្លាយជាអ្នកជំងឺកូវីដ-១៩ ដែលស្លាប់មុនគេ នៅក្នុងប្រទេសសេណេហ្គាល់។
តាមប្រភពពីសារព័ត៌មានបារាំងបានឲ្យដឹងថា លោកហៀបនឹងចាកចេញទៅពិនិត្យជំងឺនៅប្រទេសបារាំងហើយ ប៉ុន្តែលោកត្រូវបានហាមប្រាមឲ្យឡើងយន្តហោះ ដោយសារតែសុខភាពទ្រុឌទ្រោម។
លោក Diouf ផ្ដើមអាជីពជាយោធានៅប្រទេស តែក្រោយមកក៏ផ្លាស់ប្ដូរជាអ្នកកាសែតផ្នែកបាល់ទាត់វិញ។ លោកត្រូវបានគេស្គាល់ថាជាភ្នាក់ងារពិសេសរបស់ ខ្សែប្រយុទ្ធ Didier Drogba ហើយក្រោយមកក៏ក្លាយជាប្រធានក្លឹប Marseille អំឡុងឆ្នាំ២០០៥ ដល់ ២០០៩។
ក្នុងជំនាន់របស់លោក ក្លឹបបារាំងមួយនេះបានបង្ហាញទម្រង់លេងល្អ ដោយឈរលេខ ២ ពីរដង ហើយឡើងវគ្គផ្ដាច់ព្រ័ត្រពាន FA បារាំងពីរដង៕