លេងធ្ងន់! Barca ដាក់ Griezmann ជាថ្នូរដើម្បីត្រៀមយក Neymar មកវិញ

2020-04-02 01:45:19
ចំនួនមតិ 0 | ចំនួនចែករំលែក 0

ចន្លោះមិនឃើញ

Barcelona មានក្ដីសង្ឃឹមនឹងយកNeymar មកវិញក្នុងរដូវក្ដៅនេះ ដោយយល់ព្រមដាក់ Antoine Griezmann ជាផ្នែកមួយនៃការដោះដូរ។

កីឡាករសញ្ជាតិបារាំងទើបតែចូលរួមជាមួយ Barca កាលពីរដូវក្ដៅមុន ពីក្លឹប Atletico Madrid ក្នុងតម្លៃខ្លួន១០៨លានផោន ប៉ុន្តែក្លឹបស្ថិតនៅតំបន់កាតាឡាន់បានសម្រេចចិត្តដោយគេចាកចេញដើម្បីកាត់បន្ថយការចំណាយខ្លះ យក Neymar មកវិញ។

ផ្អែកតាមសារព័ត៌មានរបស់ប្រទេសអេស្ប៉ាញ Barcelona មានបំណងចង់ចុះកុងត្រាយកខ្សែប្រយុទ្ធពីរនាក់នោះគឺ Neymar និង Lautaro Martinez របស់ក្លឹប Inter Milan។ ដើម្បីយកកីឡាករទាំងពីរបាន Barca មានតែប្រើក្បួនយកកីឡាករទៅដោះដូរ ថែមលុយបន្តិចបន្តួចប៉ុណ្ណោះ ស្របពេលក្លឹបកំពុងជួបវិបត្តិដែរ ដោយសារវីរុសកូរ៉ូណា។

Sky Sports បានបញ្ចេញឲ្យដឹងថា Griezmann ជាបេក្ខភាពធំ ដែល Barca ស្នើទៅកាន់ PSG ជាមួយនឹងការដាក់តម្លៃចុងក្រោយដើម្បីផ្ទេរយក Neymar មកវិញ។ ក្នុងនោះដែរ Barcelona ក៏ប៉ងចង់លក់ Griezmann ចេញដែរ ក្នុងតម្លៃខ្លួន៩០លានផោន ទោះបី PSG បដិសេធសំណើដោះដូរនេះ៕

ប្រភព៖ Dailymail ប្រែសម្រួល៖ ហេង សុធារិទ្ធិ