ភ្នាល់ចាញ់សង្សារត្រូវកាត់សក់ ស្មានតែអាក្រក់ហើយ តែបែរជាសង្ហាលើសដើម
- 2020-04-03 04:05:00
- ចំនួនមតិ 0 | ចំនួនចែករំលែក 0
ភ្នាល់ចាញ់សង្សារត្រូវកាត់សក់ ស្មានតែអាក្រក់ហើយ តែបែរជាសង្ហាលើសដើម
ចន្លោះមិនឃើញ
អ៊ីចឹងបានមនុស្សគ្រប់គ្នាតែងនិយាយថា បើមុខស្អាតហើយ ទោះបីជាកាត់សក់ម៉ូដណា ឬកោរតែម្ដងក៏នៅតែស្អាតដែរ។
ការផ្លាស់ប្ដូរម៉ូដសក់ ឬកាត់សក់ខ្លី អាចនិយាយបានថាជារឿងប្រថុយប្រថានបំផុត មិនថាចំពោះបុរស ឬនារីក៏ដោយ។ មានមនុស្សមួយចំនួន គឺទម្រង់មុខសមតែម៉ូដសក់តិចបំផុត បើកាត់ខុសពីម៉ូដទាំងនេះ ប្រាកដជាមិនយល់ឡើយ ដូចនេះពួកគេនៅស្មោះស្ម័គ្រជាមួយម៉ូដតែមួយរហូត។
ជាក់ស្ដែង មុននេះបន្តិច នៅលើបណ្ដាញសង្គមចិន មានប្រធានបទកាត់សក់មួយទទួលបានចំណាប់អារម្មណ៍ជាខ្លាំង។ តាមនោះដែរ ប្រុសស្អាតម្នាក់រហ័សនាម Bao Bao បានខំទុកសក់ឡើងមួយឆ្នាំ ទម្រាំបានសក់វែងដូចបច្ចុប្បន្ន។ យ៉ាងណាក្ដី ដោយមិនដឹងថាហេតុផលអ្វី លោកបានភ្នាល់ចាញ់មិត្តស្រីរឿងមួយ ហើយដោយសារតែមិត្តស្រីមិនចូលចិត្តលោកសក់វែងនោះ លោកក៏ត្រូវកាត់សក់វែងនេះចេញ។
ស្មានតែខ្លួនឯង បាក់សម្រស់ហើយដោយសារកាត់សក់នេះ ប៉ុន្តែម៉ូដសក់ថ្មីរបស់ Bao Bao ក៏ធ្វើឲ្យលោកសង្ហាមិនធម្មតាដែរ។ បើពីមុន លោកស្អាតរបៀបទន់ភ្លន់នោះ នៅពេលនេះលោកស្អាតបែបរឹងមាំវិញម្ដង។ មនុស្សជាច្រើនបានលាន់មាត់សរសើរលោកថា ដោយសារតែមានទម្រង់មុខស្អាតស្រាប់ដូចនេះ ម៉ូដសក់ណាក៏សមនឹង Bao Bao ដែរ៕