ប្រយុទ្ធប្រឆាំងកូវីដ Neymar បានបរិច្ចាគប្រាក់យ៉ាងច្រើនជាសំងាត់ ព្រោះតែមូលហេតុនេះ
- 2020-04-03 13:18:48
- ចំនួនមតិ 0 | ចំនួនចែករំលែក 0
ប្រយុទ្ធប្រឆាំងកូវីដ Neymar បានបរិច្ចាគប្រាក់យ៉ាងច្រើនជាសំងាត់ ព្រោះតែមូលហេតុនេះ
ចន្លោះមិនឃើញ
អ្នកស្រី Chris Floresពិធីការនីប៉ុស្តិ៍ទូរទស្សន៍មួយនៅប្រទេសប្រេស៊ីលបាននិយាយទៅកាន់សារព័ត៌មាន UOL កាលពីពេលថ្មីៗនេះថា ខ្សែប្រយុទ្ធ Neymar បានធ្វើការបរិច្ចាគប្រាក់សុទ្ធផ្ទាល់ខ្លួនជាសម្ងាត់ក្នុងការចូលរួមប្រយុទ្ធប្រឆាំងជំងឺឆ្លងកូវីដ-១៩ ទូទាំងពិភពលោក។
ការចូលរួមបរិច្ចាគប្រាក់ផ្ទាល់ខ្លួនយ៉ាងសន្ធឹកសន្ធាប់ជាសំងាត់រហូតទៅដល់ជាង ៩៨០,០០០ដុល្លារ គឺដោយសារតែ Neymar មិនចង់ចេញមុខមាត់ ណាមួយគេមិនចង់ឲ្យមនុស្សនិយាយលើកតម្កើងគេទាក់ទងនឹងការប្រយុទ្ធប្រឆាំងជំងឺនេះ។
យ៉ាងណាមិញប្រាក់បរិច្ចាគទាំងនេះ ខ្សែប្រយុទ្ធវ័យ ២៨ឆ្នាំរូបនេះបានធ្វើការផ្ដល់ជូនមួយចំនួនតាមរយៈ អង្គការពិភពលោក UNICEF និងមួយចំនួនទៀតតាមសិល្បករ ឬ តារានានា ដែលបានបង្កើតកម្មវិធីរៃអង្គាសដោយខ្លួនឯង។
គួរបញ្ជាក់ផងដែរថា ចំនួនអ្នកឆ្លងជំងឺកូវីដ-១៩នាពេលបច្ចុប្បន្ននេះមិនមានការថមថយសោះនៅលើសកលលោកនេះ ដោយមកទល់នឹងពេលថ្មីៗនេះចំនួនអ្នកឆ្លងជំងឺនេះទូទាំងពិភពលោកកើនរហូតទៅដល់ជាង ១,០៣០,៦២៨ករណី សះស្បើយ ២១៨,៧៧១ករណី និងស្លាប់ ៥៤,១៣៧ករណី៕