Apple ជ្រុលដៃបង្ហាញឈ្មោះ iPhone ស៊េរីថ្មីលើគេហទំព័រផ្លូវការ តែលុបចោលវិញភ្លាមៗ
- 2020-04-06 03:28:58
- ចំនួនមតិ 0 | ចំនួនចែករំលែក 0
Apple ជ្រុលដៃបង្ហាញឈ្មោះ iPhone ស៊េរីថ្មីលើគេហទំព័រផ្លូវការ តែលុបចោលវិញភ្លាមៗ
ចន្លោះមិនឃើញ
តាមរបាយការណ៍ពី 9to5mac ដែលធ្លាប់ចុះផ្សាយកន្លងទៅថា iPhone 9 ដែលគ្រោងចេញផ្សាយនៅខែមេសា នឹងប្រើប្រាស់ឈ្មោះថា "iPhone SE" ទំនងអាចនឹងក្លាយជាការពិត។
ដោយយោងតាមគេហទំព័រផ្លូវការរបស់ Apple បានជ្រុលដៃបញ្ចេញឈ្មោះ iPhone SE នៅផ្ទាំងផ្សព្វផ្សាយលក់កញ្ចក់បិទការពារអេក្រង់ ហើយលុបចេញវិញភ្លាមៗ។ ទំព័រដដែលបានសរសេរថា iPhone SE/8/7 ដែលតំណាងឲ្យមានទំហំអេក្រង់ប៉ុនៗគ្នា ធ្វើឲ្យអ្នកជំនាញសន្មតថា iPhone SE ក៏នឹងប្រើប្រាស់ ៤,៧ អ៊ីញដែរ។
ជុំវិញចចាមអារ៉ាមពីសព្វមួយដង iPhone SE (2020) គឺគ្រោងនឹងប្រកាសនៅខែមេសា ដោយជាការវិវត្តលើត្រកូល iPhone 8 ឡើងមក iPhone 9 មានប្រើប្រាស់បន្ទះឈីបធុនខ្ពស់ A13 ហើយមានជម្រើសពណ៌ខ្មៅ ស ក្រហម ខណៈអង្គផ្ទុក 64/128/256GB។
រំឭកថាត្រកូល SE ចេញផ្សាយដំបូងបង្អស់ លេចវត្តមាននៅឆ្នាំ ២០១៦ កាលនោះមានតម្លៃ ៣៩៩ ដុល្លារ ប្រើប្រាស់អេក្រង់ ៤,០ អ៊ីញ ដោយវាជាការច្របាច់បញ្ចូលគ្នានៃកម្លាំងម៉ាស៊ីនលើ iPhone 6S តែប្រើប្រាស់តួខ្លួនជា iPhone 5៕
អានអត្ថបទ:
បង្គោលអង់តែន 5G នៅអង់គ្លេសត្រូវគេដុត ព្រោះជំនឿទាក់ទងជំងឺកូវីដ១៩
តួលេខ Google បង្ហាញថានៅកម្ពុជា ចំនួនអ្នកនៅកន្លែងកម្សាន្ត និងផ្សារថយចុះ ៤៣%