ឈឺក្រោយប្ដីប្រពន្ធ Matt និង Lydia មែន តែ Praewa ជាសះស្បើយ និងអាចចេញពីពេទ្យបានបាត់

2020-04-06 05:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចំនួនអ្នកឆ្លងជំងឺ COVID-19 នៅតែបន្តឡើងឥតឈប់ ប៉ុន្តែអ្នកជាសះស្បើយ អាចត្រឡប់ទៅជុំគ្រួសារវិញ ក៏មានជាហូរហែ។ ដូចតារាថៃ Lydia Sarunrat និង Matthew Deane កំពុងសម្រាកព្យាបាលជំងឺនេះជាងកន្លះខែហើយ ប៉ុន្តែនៅតែមិនទាន់ជា ស្របពេលតារាចម្រៀងវ័យក្មេង Praewa Nichaphat អាចវិលទៅផ្ទះវិញបានហើយ។

Praew Nichaphat

Matthew និង Lydia

ជារឿងល្អបំផុតសម្រាប់ Praewa ដែលបានជាសះស្បើយពីមេរោគ COVID-19 ក្រោយសម្រាកព្យាបាលមួយរយៈនៅមន្ទីរពេទ្យ។ នាងបានចេញវីដេអូឃ្លីបមួយ ចែករំលែកបទពិសោធន៍ដែលនាងឆ្លងកាត់ក្នុងនាមជាអតីតអ្នកជំងឺ COVID-19។ នាងបាននិយាយថា ក្រុមគ្រូពេទ្យបានព្យាបាល និងឲ្យថ្នាំទៅតាមរោគសញ្ញាផ្សេងៗដូចជា ផ្ដាសាយ មានហៀរសំបោរ ក្អក។ ម្យ៉ាងនាងក៏មិនត្រូវគេឲ្យផឹកថ្នាំប្រឆាំងមេរោគនោះដែរ ដោយសារអាការៈរបស់នាងនៅស្រាល មេរោគមិនទាន់ស៊ីជ្រៅដល់សួត ហើយមិនស្ថិតនៅដំណាក់កាលធ្ងន់ធ្ងរនោះទេ។

ងាកទៅប្ដីប្រពន្ធ Matt និង Lydia ឯណោះវិញ ដូចជាមិនទាន់មានអាការៈធូរស្រាលខ្លាំង ឬជាដាច់ពីមេរោគនេះនៅឡើយ មានន័យថាពេលធ្វើតេស្តជាថ្មី លទ្ធផលពួកគេចេញមកនៅតែមានសញ្ញាវិជ្ជមានដដែល ទោះបីសម្រាកព្យាបាលនៅពេទ្យជាង ២០ថ្ងៃហើយក៏ដោយ។ មេរោគនៅមិនទាន់ទៅណាឆ្ងាយ ទោះបីវាថយចុះក៏ដោយ ហេតុនេះក្រុមគ្រូពេទ្យត្រូវបន្តមើលថែយ៉ាងយកចិត្តទុកដាក់ ពិនិត្យហូរហែជានិច្ច ឯអ្នកគាំទ្រក៏នៅតែបន្តផ្ដល់កម្លាំងចិត្តខ្លាំងឡើងៗ៕