ហួសចិត្ត! ពលរដ្ឋចិនរាប់ពាន់នាក់ សម្រុកទៅលេងភ្នំមួយ ក្រោយស្ថានការណ៍វីរុសធូរស្បើយ
- 2020-04-06 06:33:07
- ចំនួនមតិ 0 | ចំនួនចែករំលែក 0
ហួសចិត្ត! ពលរដ្ឋចិនរាប់ពាន់នាក់ សម្រុកទៅលេងភ្នំមួយ ក្រោយស្ថានការណ៍វីរុសធូរស្បើយ
ចន្លោះមិនឃើញ
ជួរភ្នំដ៏ល្បីល្បាញមួយនៅភាគអាគ្នេយ៍នៃប្រទេសចិន បានបង្ខំចិត្តបិទក្រោយពេលដែលជនជាតិចិត្ររាប់ពាន់នាក់សម្រុកទៅលេងកាលពីចុងសប្ដាហ៍។
យោងតាមអាជ្ញាធរឲ្យដឹងថា ភ្នំ Huangshan ឬភ្នំលឿងដែលស្ថិតនៅក្នុងខេត្ត Anhui ស្ថិតក្នុងចំណោមតំបន់ ២៩ផ្សេងទៀត ដែលអាជ្ញាធរបើកឲ្យចូលដោយសេរីឡើងវិញ ដើម្បីជួយជំរុញវិស័យទេសចរទៅថ្ងៃមុខ ក្រោយពេលដែលវីរុស Covid-19 វាយប្រហារខ្លាំងក្លាអស់រយៈពេលជាច្រើនខែ។ អ្នកទៅទស្សនា តម្រូវឲ្យបង្ហាញស្ថានភាពសុខភាព, ពាក់ម៉ាស់ និងស្ទង់កម្ដៅខ្លួនមុនអនុញ្ញាតឲ្យចូល។ ប៉ុន្តែអ្វីដែលនឹកស្មានមិនដល់ អាជ្ញាធរតំបន់ភ្នំនេះ បានបង្ខំបិទតែម្ដងដោយសារមនុស្សសម្រុកទៅលើសចំនួនកំណត់ ២ម៉ឺននាក់ ដោយពួកគេបង្ខំឲ្យភ្ញៀវទៅកាន់តំបន់ផ្សេង ឬមកលេងនៅពេលក្រោយវិញ។
គួរបញ្ជាក់ថា ទង្វើរបស់ក្រុមជនជាតិចិនទាំងនេះ បានបង្កឲ្យមានការខឹងសម្បារនិងព្រួយបារម្ភខ្លាំងពីសំណាក់អ្នកប្រើប្រាស់បណ្ដាញសង្គម ដោយពួកគេលើកឡើងថាអាចនឹងមានការផ្ទុះឡើងការឆ្លងវីរុសម្ដងទៀត ប្រសិនបើនៅតែមានការប្រមូលផ្ដុំគ្នា ខណៈដែលប្រទេសជាច្រើនក្នុងពិភពលោកកំពុងអនុវត្តគម្លាតសង្គម (Social Distancing) ៕