ពេលចូលហាត់ទាហាន Son នឹងត្រូវប្រឈមនឹងលំហាត់អ្វីខ្លះ?

2020-04-07 13:31:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធក្លឹប Tottenham Hotspur កីឡាករ Son Heung Min នឹងត្រូវចូលហ្វឹកហាត់ហ្វឹកទាហាននៅឯប្រទេសដើមកំណើតរបស់ខ្លួន គឺប្រទេសកូរ៉េខាងត្បូង នៅថ្ងៃទី២០ ខែមេសា ឆ្នាំ២០២០ខាងមុខនេះហើយ នេះបើយោងតាមសម្ដីរបស់មន្ត្រីកងម៉ារីននៅឯប្រទេសនេះ។

នៅក្នុងកំឡុងពេលហ្វឹកហ្វឺននេះ Son នឹងត្រូវឆ្លងកាត់ការហ្វឹកហាត់ ភាពស៊ាំនឹងឧស្ម័នបង្ហូរទឹកភ្នែក ការសមយុទ្ធបាញ់គ្រាប់ពិត ការដើរឬរត់ចម្ងាយឆ្ងាយរហូតដល់ទៅ ៣០គីឡូម៉ែត្រជាមួយនឹងស្ពាយសម្ភារៈនានាជាមួយនឹងកាបូបទម្ងន់ ៤០គីឡូក្រាម។

យ៉ាងណាមិញ ខ្សែប្រយុទ្ធវ័យ ២៧ឆ្នាំរូបនេះ នឹងធ្វើការហ្វឹកហាត់ដើម្បីបញ្ចប់កាតព្វកិច្ចជាទាហាននេះតែរយៈពេល ៣សប្ដាហ៍ប៉ុណ្ណោះ គឺចំពេលដែលខាង Premier League បានពន្យារពេលការប្រកួតដោយសារតែស្ថានភាពជំងឺកូវីដ-១៩មិនមានភាពធូរស្បើយ។

គួរបញ្ជាក់ផងដែរថា ចំពោះបុរសដែលមានសម្បទាគ្រប់គ្រាន់ទាំងអស់នៅប្រទេសកូរ៉េខាងត្បូងនឹងត្រូវជាប់កាតព្វកិច្ចបម្រើជាយោធាយ៉ាងតិច២ឆ្នាំ ដើម្បីត្រៀមទប់ទល់នឹងសង្គ្រាមជាមួយកូរ៉េខាងជើងដោយប្រការណាមួយ តែចំណែកឯ Son វិញកាតព្វកិច្ចរហូតដល់២ឆ្នាំ ត្រូវលុបចោល ដោយសារតែកីឡាកររូបនេះបាននាំមេដាយមាសពីកម្មវិធី Asian Game មកដល់ប្រទេសខ្លួនកាលពីឆ្នាំ២០១៨កន្លងទៅនេះ៕