អាហារពេលព្រឹកប្រទេសទាំង១២ទំនងៗណាស់ មានមួយណាអ្នកធ្លាប់ញ៉ាំអត់?

2014-11-22 12:45:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសផ្សេងគ្នាមិនត្រឹមតែមានការរស់នៅ និងភាសាផ្សេងគ្នានោះទេ សូម្បីតែអាហារហូបចុចក៏ផ្សេងគ្នាដែរ។ នៅព្រឹកនេះ ប្រិយមិត្តមានបានញ៉ាំអាហារអីហើយនៅ?

អាហារពេលព្រឹករបស់ប្រជាជនខ្មែរដែលពេញនិយមជាងគេ គឺអាចជាបាយសាច់មាន់ បាយសាច់ជ្រូក គុយទាវ មីខគោ ឬបបរ។ ចុះមានដឹងថាប្រទេសផ្សេងៗ គេញ៉ាំអីដែរសម្រាប់អាហារពេលព្រឹករបស់ខ្លួន?

ខាងក្រោមនេះជាអាហារពេលព្រឹករបស់ប្រទេសមួយចំនួន៖

១) អាហារពេលព្រឹកអង់គ្លេស៖ អាហារពេលព្រឹកមួយចានប៊ឹបរបស់អង់គ្លេសមាន សាច់ក្រក សណ្ដែកសៀង សាច់បីជាន់ ពងទាចៀន ផ្សិត និងនំប៉័ងដុត។

២) អាហារពេលព្រឹកព័រទុយហ្គាល់៖ ចំណែកអាហារពេលព្រឹករបស់ប្រទេសព័រទុយហ្គាល់វិញ គឺសាមញ្ញទេ មាននំប៉័ងស្រោបសាច់ និងបន្លែតិចតួច និងកាហ្វេមួយកែវ។

៣) អាហារពេលព្រឹកប៉េរូ៖ ទាំងអាហារពេលព្រឹក ថ្ងៃត្រង់ និងពេលល្ងាច ដូចជាមិនសូវខុសគ្នាប៉ុន្មានឡើយ គឺមានអាហារសមុទ្រត្រូវបានចម្អិនមានម្រេចហិលៗតិចៗ។

-អានអត្ថបទ៖ វិធីយក Six Pack ងាយៗ ដែលបុរសៗអាចធ្វើបាននៅផ្ទះរាល់ព្រឹក

៤) អាហារពេលព្រឹកប្រេស៊ីល៖ មួយចាន់នេះឃើញហើយទំនងអត់? ក្នុងមួយចានអាហារពេលព្រឹករបស់ប្រទេសប្រេស៊ីលគឺមាននំប៉័ង ប៊ឺ សាច់បន្ទះ ប្រូម៉ាស និងទឹកជ្រលក់។

៥) អាហារពេលព្រឹកហ្វីលីពីន៖ អាហារពេលព្រឹករបស់ប្រទេសនេះដែលលេចធ្លោជាងគេគឺស្វាយ ប៉ុន្តែតាមពិតបាយជាអាហារចម្បង ញ៉ាំជាមួយសាច់ក្រក និងពងទាចៀន។

៦) អាហារពេលព្រឹកអាមេរិក៖ មើលតាមរូប អាហារពេលព្រឹករបស់អាមេរិកគឺមាននំផែនខេក (Pancakes) ជាមួយនឹងស៊េរ៉ូ និងស្ទប៊ឺរី និងសាច់បីជាន់។

៧) អាហារពេលព្រឹកបារាំង៖

អាហារពេលព្រឹករបស់បារាំងដូចឃើញក្នុងរូបស្រាប់មាននំប៉័ង ដែលមានស្ករសូកូឡាជាស្នូល ប៊ឺ ក្រែម ប៉ុន្តែមានរសជាតិឆ្ងាញ់។

៨) អាហារពេលព្រឹកថៃ៖

អាហារពេលព្រឹកដ៏ពេញនិយមរបស់ថៃគឺត្រីចំហុយហិលៗ សាច់ជ្រូកហិល និងផ្អែម ជាមួយនឹងបាយ។

៩) អាហារពេលព្រឹកវៀតណាម៖

អាហារដ៏ពេញនិយមរបស់ប្រទេសវៀតណាមគឺបបរចាកខ្វៃ។

១០) អាហារពេលព្រឹកចិន៖ ថ្វីត្បិតតែចិនសឹងជាអធិរាជខាងមីស្រុះ ប៉ុន្តែអាហារពេលព្រឹកប្រទេសនេះក៏មានអ្វីផ្សេងដែរ ដូចជាបាយ សាច់មាន់ និងឆាបន្លែ។

១១) អាហារពេលព្រឹកកូរ៉េ៖

ចំណែកអាហារពេលព្រឹករបស់កូរ៉េ ដូចអាហារថ្ងៃត្រង់ ឬអាហារពេលល្ងាចរបស់ខ្លួនដែរ។ កូរ៉េមានចានជ្រួកស្ពៃដ៏តូចមួយ បាយមួយចាន និងសម្លពេញដោយបន្លែមួយចាន។

១២) អាហារពេលព្រឹកស៊ូដង់៖ អាហារពេលព្រឹកនៅប្រទេសនេះមានជម្រើសច្រើនដែរ ប៉ុន្តែជាធម្មតាអាហារពេលព្រឹកមានប្រេងអូលីវ (olive oil ) មានសាច់ក្រកធ្វើពីសាច់ចៀម ត្រណាប់ផ្លែឈើ ប៊ឺ សាច់មាន់បារាំង ឬសាច់គោ។