ដល់ពេល ប្រពន្ធ សេន ប៊ុនថេន និងប្រពន្ធ វ៉ន វីវ៉ា ឆ្លើយឆ្លងគ្នាម្តង
- 2014-11-24 16:13:41
- ចំនួនមតិ 0 | ចំនួនចែករំលែក 0
ដល់ពេល ប្រពន្ធ សេន ប៊ុនថេន និងប្រពន្ធ វ៉ន វីវ៉ា ឆ្លើយឆ្លងគ្នាម្តង
ចន្លោះមិនឃើញ
អ្នកស្រី ខាន់ សោភ័ណ្ឌ ភរិយារបស់អ្នកប្រដាល់ សេន ប៊ុនថេន និងអ្នកស្រី ស៊ន ដាវីន ភរិយារបស់អ្នកប្រដាល់ វ៉ន វីវ៉ា បានបញ្ចេញទស្សនៈគាំទ្រដល់មតិរបស់ស្វាមីរៀងៗខ្លួន បន្ទាប់ពីប្តីរបស់ពួកគាត់ទាំងពីរនាក់ប៉ះទង្គិចពាក្យសំដីជុំវិញការអួតអាងដាក់គ្នារឿងឡើងសង្វៀន។
អ្នកស្រី ខាន់ សោភ័ណ្ឌ បានលើកឡើងថា ៖«ខ្ញុំគិតថាប្តីខ្ញុំមិនអន់ដល់ថ្នាក់ទៅសុំគេឲ្យបន្ធូរដៃឲ្យនោះទេ គាត់មានតែគេសុំវិញ ខ្ញុំដូចជាឆ្ងល់ដែរ បន្ទាប់ពីថ្ងៃដែល វ៉ន វីវ៉ា ប្រកួតចាញ់ប្តីខ្ញុំ នោះប្តីខ្ញុំបានប្រាប់ខ្ញុំថា គាត់សុំឲ្យ វ៉ន វីវ៉ា និងប្រកួតជាមួយគាត់ម្តងទៀតដើម្បីបញ្ជាក់ ពីភាពយុត្តិធម៌ហេតុអីគាត់សុំ ហើយម៉េចមិនហ៊ានវ៉ៃ ឬខ្លាចបាក់មុខខ្លាចចាញ់ម្តងទៀតមែន លោកម្ចាស់ខ្សែក្រវ៉ាត់ ISKA ហឺ..ចាត់ទុកថាសំណាងទៅថ្ងៃនោះបើកុំអាជ្ញាកណ្តាលនៅរាប់ស៊ីម៉ោង និងធ្វើជាឲ្យពេទ្យពិនិត្យដោយខ្លួនគ្មានរបួសអីបន្តិចសោះ កុំអីថ្ងៃនោះយករេញធ្វើពូកដេកហើយក៏មិនដឹង...!! ហាសហា»។
ការប៉ះទង្គិចពាក្យសំដីឌឺដងរវាងជើងខ្លាំងកម្ពុជាទាំងពីរបានផ្ទុះឡើងកាលពីយប់ថ្ងៃសៅរ៍ ទី២២ ខែវិច្ឆិកា បន្ទាប់ពី សេន ប៊ុនថេន បានប្រកួតចាញ់កីឡាករបារាំង Antone Pinto នៅព្រឹត្តិការណ៍ Thai Fight។ នៅរាត្រីនោះ វ៉ន វីវ៉ាបានសរសេរតាម Facebook ឌឺដងដាក់ សេន ប៊ុនថេនយ៉ាងចាស់ដៃ ហើយ សេន ប៊ុនថេន ក៏ឆ្លើយតបវិញមិនធម្មតាដែរ៕
វីដេអូ វ៉ន វីវ៉ា និង សេន ប៊ុនថេន http://youtu.be/4qLJ7qAYt_Q
អត្ថបទ៖ អៀង សូទ្រី