ដំរីវត្តភ្នំចូលនិវត្តន៍ល្បីដល់ទូរទស្សន៍ពិភពលោក BBC
- 2014-11-26 13:42:17
- ចំនួនមតិ 0 | ចំនួនចែករំលែក 0
ដំរីវត្តភ្នំចូលនិវត្តន៍ល្បីដល់ទូរទស្សន៍ពិភពលោក BBC
ចន្លោះមិនឃើញ
ដំរីនៅវត្តភ្នំ ដែលខានឃើញអស់រយៈពេលប៉ុន្មានឆ្នាំចុងក្រោយនេះ ត្រូវបានរៀបចំឲ្យចូលនិវត្តន៍ ដែលមិនត្រឹមតែប្រព័ន្ធផ្សព្វផ្សាយក្នុងស្រុកទេ សូម្បីទូរទស្សន៍ល្បីដូច BBC របស់អង់គ្លេសក៏ចាប់អារម្មណ៍ដែរ។
សត្វដំរីនៅវត្តភ្នំ ដែលគេស្គាល់ថាឈ្មោះ សំបូរ គឺបានឈប់ដឹកភ្ញៀវតាំងពីឆ្នាំ២០១២ ដោយសារមានបញ្ហាជើងផង និងដោយសារមានការរអ៊ូថាធ្វើឲ្យស្ទះចរាចរណ៍ក្នុងរាជធានីភ្នំពេញផង។ ដំរីនេះនឹងត្រូវយកនៅដាក់នៅតំបន់ភ្នំនៃខេត្តមណ្ឌលគិរី ប៉ុន្តែមុននឹងចាកចេញ ប្រជាជនបានធ្វើពិធីជប់លៀងដោយឲ្យផ្លែឈើដល់សំបូរស៊ីជាអាហារ។
ដំរីនេះនៅជាមួយនឹងបុរសម្នាក់ឈ្មោះ សិន សន ជាយូរឆ្នាំមកហើយ តាំងពីគ្រួសារគាត់ចាប់បានដំរីនេះមានអាយុ៨ឆ្នាំនៅក្នុងព្រៃ។ គាត់ថា គាត់នឹងនឹកដល់ដំរីនេះជាមិនខានពេលបែកពីវា។
ខាងអភិរក្សសត្វព្រៃថា កម្ពុជាបច្ចុប្បន្នមានសត្វដំរីចិញ្ចឹមចំនួន៧៨ក្បាល និងដំរីព្រៃតែ៤០០ក្បាលប៉ុណ្ណោះ ហើយដំរីអាស៊ីនេះត្រូវបានគេចាត់ចូលថាកំពុងតែស្ថិតក្នុងការផុតពូជ៕
ប្រភព៖ BBC