ល្បីថា BMW ចង់ទិញ Lumia ជាង ៥ម៉ឺនគ្រឿងឲ្យបុគ្គលិកប្រើ
- 2014-12-05 23:14:02
- ចំនួនមតិ 0 | ចំនួនចែករំលែក 0
ល្បីថា BMW ចង់ទិញ Lumia ជាង ៥ម៉ឺនគ្រឿងឲ្យបុគ្គលិកប្រើ
ចន្លោះមិនឃើញ
ក្រុមហ៊ុនផលិតរថយន្តដ៏ល្បីរបស់អាល្លឺម៉ង់ BMW ត្រូវបានគេរបាយការណ៍ថា បានកុម្ម៉ង់ទិញ Smartphone ត្រកូល Lumia របស់ Microsoft ចំនួនជាង ៥ម៉ឺនគ្រឿងសម្រាប់បុគ្គលិករបស់ខ្លួន។
Smartphone ត្រកូល Lumia ចំនួន ៥៧០០០ គ្រឿងដែលត្រូវបានកុម្ម៉ង់ទិញដោយក្រុមហ៊ុន BMW នោះ ភាគច្រើនគឺម៉ូដែល Lumia 630 ចំណែកបុគ្គលិកដែលមានតំណែងប្រធានប្រតិបត្តិឡើងទៅអាចជ្រើសរើសរវាង Lumia 920 ឬ Lumia 930។ ដូច្នេះបុគ្គលិកទាំងអស់របស់ BMW នឹងបានប្រើ Smartphone សែស្រឡាយ Lumia របស់ Nokia នៅអំឡុងដើមឆ្នាំ ២០១៥ ខាងមុខនេះ ខណៈបច្ចុប្បន្នបុគ្គលិកក្នុងក្រុមហ៊ុននេះកំពុងប្រើ Nokia ស៊េរីចាស់បំពាក់ដោយប្រព័ន្ធប្រតិបត្តិការ Symbian ។
ប្រភពព័ត៌មានខាងលើត្រូវបានគេដឹងថា ជាប្រភពកៀកកិតនឹងក្រុមហ៊ុនផលិតរថយន្តល្បីអាល្លឺម៉ង់មួយនេះ។ ទោះជាយ៉ាងណាប្រភពមិនបានបញ្ជាក់ពីចំនួនទឹកប្រាក់ដែលនឹងយកទៅចំណាយលើ Smartphone Lumia ប៉ុន្មានម៉ូដែលនោះទេ ហើយមូលហេតុអ្វីទើបក្រុមហ៊ុនជ្រើសយក Lumia សម្រាប់បុគ្គលិករបស់ខ្លួនដែរ៕
Lumia 630
Lumia 920
Lumia 930
អាន៖ Lumia 730 បំបែកកំណត់ត្រាថត Selfie បានមនុស្សជាង ១ពាន់នាក់
ប្រែសម្រួល៖ ប៉ែត ផាន់និត ប្រភព៖ phonearena
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
