សាន់ វីហ្សា ប្រុសក៏ត្រូវស្រីក៏ត្រូវ
- 2014-12-21 18:25:50
- ចំនួនមតិ 0 | ចំនួនចែករំលែក 0
សាន់ វីហ្សា ប្រុសក៏ត្រូវស្រីក៏ត្រូវ
ចន្លោះមិនឃើញ
តារាសម្ដែងមួយចំនួននិយមធ្វើខ្លួនជាភេទទី៣ ជាក់ស្ដែងលោក សាន់ វីហ្សា អាចសម្ដែងជាមនុស្សប្រុសពេញលក្ខណៈក៏បាន សម្ដែងជាមនុស្សស្រីក៏បាន និងជាភេទទី៣ក៏បាន តម្រូវតាមការចង់បានរបស់អ្នកដឹកនាំរឿង។
ប្រឡូកក្នុងអាជីពសិល្បៈជិត១០ឆ្នាំមកហើយ លោក សាន់ វីហ្សា តារាសម្ដែងមានកំណើតមកពីស្រុក ស៊ីធរកណ្ដាល ខេត្តព្រៃវែងម្នាក់នេះ បានខិតខំប្រឹងប្រែងជាខ្លាំងទៅ នឹងអាជីពជាសិល្បៈ។ ផ្ដើមពីការរាំអមឆាក ពេលរដូវចូលឆ្នាំ លោក សាន់ វីហ្សា ក៏បានឈានជើងសម្ដែងរឿងម្ដងម្កាល ក៏ដូចជាសម្ដែងបទចម្រៀងខារ៉ាអូខេតាមបណ្ដាផលិតកម្មជាច្រើន។ ជាមួយគ្នានោះ លោកក៏ឧស្សាហ៍សម្ដែងនៅតាមកម្មវិធីទូរទស្សន៍ទាក់ទងកម្មវិធីមេផ្ទះ ក៏ដូចជា ឡើងសម្ដែងរឿងខ្លីៗជាដើម។
មួយរយៈចុងក្រោយនេះ លោក សាន់ វីហ្សា ប្រាប់ថា ទើបតែបានថតបទខារ៉ាអូខេជាច្រើនបទ ក្នុងនោះមានទាំងថតឲ្យក្រសួងទេសចរណ៍ ផលិតកម្មសាន់ដេ និង ផលិតកម្មថោនជាដើម ហើយការថតនោះត្រូវចុះទៅតាមបណ្ដាខេត្តឆ្ងាយៗថែមទៀតផង។ ការសម្ដែងរបស់លោកភាគច្រើនត្រូវបានអ្នកដឹងនាំរឿងតម្រូវឲ្យដើរតួជា ភេទទី៣ ព្រោះការសម្ដែងជាភេទទី៣នេះ លោកសម្ដែងសមជាងគេ។
ទោះបីជាអាចសម្ដែងគ្រប់ស្ថានភាពបែបនេះក្ដី ប៉ុន្តែប្រជាប្រិយភាពរបស់លោក មិនសូវជាឡើងខ្លាំងប៉ុន្មានឡើយ ព្រោះលោកហាក់ដូចជា មិនលូកឲ្យជ្រៅក្នុងអាជីពនេះ ត្បិតអីលោកមានការងារផ្ទាល់ខ្លួនដែលត្រូវធ្វើ។ លោក សាន់ វីហ្សា បានលើកឡើងថា មិនអាចបោះបង់ចោលការងារប្រចាំថ្ងៃរបស់លោកបានឡើយ ព្រោះវាគឺជាឆ្នាំងបាយ ហើយចំពោះរឿងសិល្បៈវិញ ក៏មិនបោះបងចោលដែរ ព្រោះវាជាចំណង់ចំណូលចិត្ត។ លោកថា បើលោកលូកឲ្យជ្រៅជាងនេះ អាចនឹងឡើងកូដជាងនេះ តែមិនហ៊ាន ព្រោះដូចដឹងស្រាប់ ចំណូលពីអាជីពសិល្បៈមិនអាចចាយគ្រប់ឡើយ។
អានអត្ថបទ៖ រឿង ”ឆ្នាំវក”ចេញTrailerផ្លូវការហើយ វ៉ៃមិនចាញ់រឿងចិនហុងកុង អានអត្ថបទ៖ សម្ពោធទស្សនាវដ្ដីបុរសទេ ប៉ុន្តែសម្បូរស្រីស្អាតដល់ក
អត្ថបទ៖ ខុត សីហា