តារាកូរ៉េ១គូទៀតហើយ រៀបការថ្ងៃនេះ

2014-12-21 23:10:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃនេះអតីតតារាច្រៀងស្រីក្រុម Nine Muses នាង Bini (Lee Hye Bin) បានរៀបអាពាហ៍ពិពាហ៍ជាមួយលោក Lee Kyu Ro កីឡាករបាល់ទាត់ខ្សែបម្រើកណ្ដាល របស់ក្រុម Jeonbuk Hyundai Motors ក្រោយ៨ថ្ងៃនៃមង្គលការសមាជិកក្រុម Super Junior លោក Sunghim និងតារាសម្ដែង Kim Sa Eun។

ពិធីជ័យរបស់អ្នកទាំងពីរធ្វើឡើងនៅសាល Fradia Wedding Hall ក្នុងទីក្រុងសេអ៊ូលប្រទេសកូរ៉េខាងត្បូង។ កូនកំលោះក្រមុំមួយគូនេះ បានជួបគ្នាតាមការណែនាំរបស់មិត្តភ័ក្ដិ កាលពីឆ្នាំ២០១២។

ប្រភពបានឱ្យដឹងថា ក្រៅពី Lee មានវ័យក្មេងជាង នាង Bini ក៏ចូលចិត្តភាពមានទំនុកចិត្តរបស់កីឡាកររូបនេះដែរ។ ចំណែក Lee បានលង់ស្រលាញ់វិញ ដោយសារតែនាងចេះផ្ដល់ភាពកក់ក្ដៅ។ ពួកគេបានទាក់ទងគ្នាអស់២ឆ្នាំ មុនពេលសម្រេចចិត្តរៀបការ នៅថ្ងៃទី២១ ខែធ្នូនេះ ។

BiBi បានចូលក្រុម Nine Muses នៅឆ្នាំ២០១០ និងបានចេញពីក្រុមនៅឆ្នាំ២០១១ តែប្រភពមិនបានបញ្ជាក់ពីមូលហេតុ។ ចំណែក Lee Kyu Ro ចាប់ផ្ដើមអាជីពបាល់ទាត់ ក្នុងក្រុម Jeonnam Dragons តាំងពីឆ្នាំ២០០៧។ ក្នុងការប្រកួត League កំពូលកូរ៉េរដូលកាលទី៨ លោកអាចរកគ្រាប់បាល់បាន ៨គ្រាប់ និងបញ្ជូនឱ្យសមាជិកក្រុមស៊ុតបញ្ចូលទីបាន៥គ្រាប់៕

អត្ថបទទាក់ទង៖

ថ្ងៃនេះសមាជិក Super Junior ម្នាក់ ចូលរោងការ

កុំកុំ បង្អួតរូបថតជិះប្រពន្ធលើគ្រែ យ៉ាងរីករាយ

ល្បីថា Jessica កំពុងរស់នៅហុងកុងជាមួយសង្សារជាបុរសអ្នកមាន

ប្រែសម្រួល៖ អ៊ុំ សុភក្តិ ប្រភព៖ Soompi