សមាគមតន្ត្រីសប្បុរសធម៌ជនពិការកម្ពុជាកំពុងស្វែងរកការអាណិតអាសូរពីបងប្អូន

2014-12-25 21:55:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែមានការខ្វះខាត ដាច់ជំនួយពីម្ចាស់ជំនួយ ទើបសមាគមតន្ត្រីសប្បុរសធម៌ជនពិការកម្ពុជា ខិតខំដើរប្រគំតន្ត្រី បង្ហើរសំនៀង ស្វែងរកថវិកាពីសប្បុរសជននៅតាមផ្សារ និង តាមទីប្រជុំជននានា ដើម្បីផ្គត់ផ្គង់ និង អភិរក្សសមាគមដ៏កម្សត់មួយនេះកុំឲ្យបាត់បង់។

“រយៈពេល ៦ ខែ ហើយ ដែលសមាគមពួកយើងខ្ញុំ ដើរប្រគំតន្ត្រីស្វែងរកថវិកាដោយខ្លួនឯង ព្រោះអីសមាគមយើងមិនមានជំនួយពីខាងក្រៅជួយទៀត ទេ"។ នេះជាសម្ដីផ្ទាល់របស់ លោក សារ៉ាក់ ជំនួយការវង់តន្ត្រីសប្បុរសធម៌ជនពិការកម្ពុជា។

លោក ថ្លែងទៀតថា៖ "សមាជិកជនពិការយើងខ្លះ ក៏បានចែកជើងគ្នាទៅស្រុកកំណើតវិញ ខ្លះទៀតក៏ដើរប្រគំតន្ត្រីរកប្រាក់។ ចំណែកឯទឹកប្រាក់បន្តិចបន្តួចដែលទទួលបានពីទឹកចិត្តសប្បុរសធម៌បងប្អូន ខាងសមាគមយកទៅផ្គត់ផ្គងការចំណាយផ្សេងៗ សល់ពីនោះទុកចែកជូនជនពិការដទៃទៀតក្នុងសមាគម គ្រាន់ចិញ្ចឹមជីវិត។

ចុងក្រោយក្រុមសមាគមតន្ត្រីសប្បុរសធម៌ជនពិការកម្ពុជា សូមថ្លែងអំណរគុណ និងដឹងគុណយ៉ាងជ្រាលជ្រៅ ដល់បងប្អូនខ្មែរ ដែល តែងតែមានក្ដីសន្ដោសប្រណី ជួយបរិច្ចាគថវិកាដល់សមាគមពួកគាត់។

បើសិនជាបងប្អូនបានឃើញក្រុមតន្ត្រីសប្បុរសធម៌ជនពិការកម្ពុជា ប្រគំនៅតាមទីប្រជុំជននានា សូមមេត្តាជួយបរិច្ចាគទឹកប្រាក់បន្តិចបន្តួចដល់ពួកគាត់ផង ឬបើមានបំណងចង់ជួយដោយផ្ទាល់ អាចទំនាក់ទំនងលោក ជា ហន ដែលជាប្រធានសមាគមផ្ទាល់ តាមរយៈលេខទូរសព្ទ ០១២ ៣១៦ ៤០៩៕