អ្នកបាល់ទាត់ ៣ នាក់រៀបចំខួបកំណើតនៅក្រៅប្រទេសចុងឆ្នាំនេះ
- 2014-12-25 17:42:07
- ចំនួនមតិ 0 | ចំនួនចែករំលែក 0
អ្នកបាល់ទាត់ ៣ នាក់រៀបចំខួបកំណើតនៅក្រៅប្រទេសចុងឆ្នាំនេះ
ចន្លោះមិនឃើញ
កីឡាករបាល់ទាត់ ២ នាក់ គឺ រស់ សំអឿន របស់ក្លិបបឹងកេត និង នេន សុធារ័ត្ន របស់ក្រុមខេត្តស្វាយរៀង រួមទាំងលោក Yusuke Iki គ្រូបង្វឹកសាលាបាល់ទាត់ជាតិ បានរៀបចំពិធីខួបកំណើត ជាមួយក្រុមរបស់ខ្លួនដែលកំពុងបំពេញការងារនៅក្រៅប្រទេស នៅកន្លែងផ្សេងៗ ពីគ្នា។
រស់ សំអឿន ផ្លុំទៀនខួបកំណើត
សម្រាប់ រស់ សំអឿន និង នេន សុធារ័ត្ន ត្រូវបានមិត្តរួមក្រុម និង ថ្នាក់ដឹកនាំរៀងៗ ខ្លួន រៀបចំពិធីខួបកំណើតចំពេលទៅចូលរួមប្រកួតក្នុងពានរង្វាន់ Number One Cup 2014 ដែលកំពុងតែប្រកួតនៅខេត្តប៊ីញភឿក ប្រទេសវៀតណាម។ ខួបកំណើតរបស់ រស់ សំអឿន រៀបចំឡើងតាំងពីយប់ថ្ងៃទី ២០ ខែ ធ្នូ មកម៉្លេះ ខណៈ ខួប របស់ នេន សុធារ័ត្ន រៀបចំនៅយប់ថ្ងៃទី ២៤ ធ្នូ ម្សិលមិញ។
នំខួបរបស់ នេន សុធារ័ត្ន
ចំណែកក្រុមសាលាបាល់ទាត់ជាតិឈុតយុវជនក្រោមអាយុ ១៤ ឆ្នាំ បានរៀបចំពិធីខួបកំណើតវ័យ ៣៥ ឆ្នាំដល់លោកគ្រូបង្វឹកជនជាតិ Yusuke Iki ដែលកំពុងតែដឹកនាំក្រុមប្រកួតក្នុងពានរង្វាន់ U-14 ASEAN Dream Football Tournament នៅទីក្រុងបាងកក ប្រទេសថៃ នៅយប់ថ្ងៃទី ២៤ ធ្នូ ម្សិលមិញ។
លោក Yusuke Iki ផ្លុំទៀន
អត្ថបទ៖ ម៉ឺន រស្មី