អាជីវកម្មធ្វើ ទីលានបាល់ទាត់សិប្បនិម្មិតកំពុងត្រូវប៉ាន់

2014-12-25 21:48:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានឆ្នាំចុងក្រោយនេះ ទីលានបាល់ទាត់សិប្បនិម្មិតនៅរាជធានីភ្នំពេញ និងបណ្ដាខេត្តមួយចំនួនកំពុងរីកចម្រើនយ៉ាងខ្លាំងដោយសារតម្រូវការសម្រាប់លេងបាល់ទាត់កាន់តែច្រើនឡើងដែលជាឱកាសមាសសម្រាប់ក្រុមហ៊ុនទទួលសាងសង់ទីលានស្មៅសិប្បនិម្មិតកើបលុយយ៉ាងស្រួល ខណៈដៃគូប្រកួតប្រជែងក៏មានតិច។

ជួបនឹងលោក លោក ខឹម ណាដែន តំណាងក្រុមហ៊ុន Grass Deco Com., ដែលទទួលសាងសង់ទីលានបាល់ទាត់គ្រប់ប្រភេទបានរៀបរាប់ថា សព្វថ្ងៃនេះទីផ្សារសាងសង់ទីលានបាល់ទាត់ស្មៅសិប្បនិម្មិតកំពុងពេញនិយម។ ពីរបីឆ្នាំមុនមានក្រុមហ៊ុនវៀតណាមមួយដែលទទួលសាងសងទីលានបាល់ទាត់សិប្បនិម្មិតនៅប្រទេសកម្ពុជា ប៉ុន្តែរហូតដល់ពេលនេះមានក្រុមហ៊ុនប្រហែលជាពីរទៅបីប៉ុណ្ណោះនៅក្នុងស្រុកខ្មែរដែលចុះបញ្ជីអាជីវកម្មនៅក្រសួងត្រឹមត្រូវ។

លោក ខឹម ណាដែន លោកបាននិយាយថា ៖«យើងកំពុងទទួលបានការពេញនិយមពីអតិថិជនដោយរយៈពេលកន្លះឆ្នាំចុងក្រោយនេះ ក្រុមហ៊ុនយើងជាប់លេខ១ដែលមានអតិថិជនត្រូវការច្រើនជាងគេ។ យើងទទួលការសាងសង់ទាំងនៅភ្នំពេញ និងនៅតាមបណ្ដាខេត្ត។ សម្រាប់ការសាងសង់រួច ក្រុមហ៊ុនយើងខ្ញុំធានាថែរក្សាឲ្យរយៈពេលមួយឆ្នាំទៀត»។ ចំពោះគុណភាពវិញចាប់ពី៨ទៅ១០ឆ្នាំ។ លោកបញ្ជាក់ថា ក្រុមហ៊ុនរបស់លោកបានកសាងទីលានច្រើនទាំងខ្នាតតូច និងខ្នាតធំនៅរាជធានីភ្នំពេញ និងតាមបណ្តាខេត្តដូចជាទីលាននៅទូលសង្កែ សួនចម្ការព្រីង ទីលានបាល់ទាត់វេស្ទើន បឹងត្របែង បឹងកក់ តាមសាលារៀន នៅខេត្តកំពង់សោម កំពត សៀមរាប ប៉ោយប៉ែត និងកន្លែងជាច្រើនទៀត។ លោក ខឹម ណាដែន បានឲ្យដឹងថា ស្មៅសិប្បនិម្មិតមានកម្ពស់ពីរប្រភេទគឺកម្ពស់៥០មិល្លីម៉ែត្រ និង៦០មិល្លីម៉ែត្រ។ សម្រាប់ស្មៅកម្ពស់៥០មិល្លីម៉ែត្រត្រូវចាក់ខ្សាច់កម្ពស់៣០មិល្លីម៉ែត្រ និងជ័រចាប់ពី១០ទៅ១៥មិល្លីម៉ែត្រ។ ចំពោះស្មៅកម្ពស់៦០មិល្លីម៉ែត្រនឹងត្រូវចាក់ខ្សាច់ទៅ៤០មិល្លីម៉ែត្រ រួចចាក់ពីលើខ្សាច់កម្ពស់១០ទៅ១៥មិល្លីម៉ែត្រទៀត។ ចំពោះតម្លៃវិញលោក ណាដែន ប្រាប់ថា ៖«តម្លៃ១២ដុល្លារក្នុងមួយម៉ែត្រការ៉េសម្រាប់ស្មៅកម្ពស់៥០មិល្លីម៉ែត្រក្នុងនោះរាប់បញ្ចូលទាំងជ័រ ខ្សាច់ និងការតំឡើង សម្រាប់ចាក់គ្រឹះគឺតម្លៃផ្សេង តែអតិថិជនភាគច្រើនមិនចង់ពិបាកច្រើនគឺយកទាំងចាក់គ្រឹះផង តម្លៃ២៧ដុល្លារក្នុងមួយម៉ែត្រការ៉េ។ ចំពោះស្មៅកម្ពស់៦០មិល្លីម៉ែត្រមានតម្លៃលើសនេះ»។ អតិថិជនចំណាយពេលត្រឹមតែពីរឆ្នាំនឹងទទួលបានផលចំណេញ បន្ទាប់ពីទីលានសាង់សងហើយ។ លោកថា ៖«អាជីវកម្មបើកទីលានបាល់ទាត់ងាយស្រួលរកលុយ ប្រើបុគ្គលិកតែពីរបីនាក់ដោយនៅចាំកក់តារាង និងសេវាកម្មភេសជ្ជៈ។ ប្រហែលពីរឆ្នាំពួកគាត់នឹងទទួលបានផលចំណេញហើយ ព្រោះឥឡូវកំពុងពេញនិយមលេងពីយុវជន»។ ក្រុមការងាររបស់លោកបានទៅសិក្សាស្វែងយល់ពីអ្នកជំនាញនៅក្រៅប្រទេស និងបានចុះទៅទស្សនៈកិច្ចសិក្សាផ្ទាល់នៅរោងចក្រក្នុងប្រទេសចិនដែលទទួលការណែនាំរៀបរបៀបសាងសង់។ នៅលើពិភពលោកនេះមានស្មៅសិប្បនិម្មិត៦ប្រភេទដែលទទួលស្គាល់ដោយសហព័ន្ធកីឡាបាល់ទាត់ពិភពលោក FIFA ប៉ុន្តែក្រុមហ៊ុនរបស់នាំចូលស្មៅតែមួយប្រភេទ។ ក្រុមហ៊ុន Grass Deco Com., ដែលបានបង្កើតឡើងរយៈពេល២ឆ្នាំហើយនោះមានទីតាំងស្ថិតនៅជិតវត្តនិរោធ សង្កាត់និរោធ ខណ្ឌមានជ័យ ទូរសព្ទ ០១៥ ៦៧៧ ៦០៨៕ វីដេអូ http://youtu.be/myauUdwQsJM អត្ថបទ៖ ជាន ចាន់រ៉ា

ពាក្យទាក់ទង

កីឡាបាល់ទាត់ជាតិ អាជីវកម្មកីឡា

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

អត្ថបទថ្មី

ក្លឹបអង់គ្លេសធ្លាក់ចេញពី UCL ទោះជាវគ្គ Final ប្រព្រឹត្តិទៅនៅរាជធានីឡុងដុងក្ដី

មកដឹងកាលបរិច្ឆេទប្រកួត Semi Final កម្មវិធី Champions League

ចូលឆ្នាំថ្មី អតិថិជន ក្រុមហ៊ុន វឌ្ឍនៈ ឈ្នះរង្វាន់ជាច្រើន! ឈ្នះលុយ ឈ្នះមាស ឡាន ម៉ូតូ និងឈ្នះរង្វាន់ធំៗផ្សេងទៀត

Ronaldo ឈ្នះ Juventus រឿងក្ដីក្ដាំពាក់ព័ន្ធរឿងមិនបើកប្រាក់ឈ្នួលរាប់លានដុល្លារ

ប្រាសាទ ដាវីន បង្ហាញជំហរច្បាស់លាស់ ប្រសិនមានឱកាសតំណាងកម្ពុជាលើឆាកអន្តរជាតិម្តងទៀត