៥កន្លែង អ្នកមានលុយចាយមិនអស់ ចូលចិត្តទៅលេងបំផុត
- 2014-12-25 18:45:35
- ចំនួនមតិ 0 | ចំនួនចែករំលែក 0
៥កន្លែង អ្នកមានលុយចាយមិនអស់ ចូលចិត្តទៅលេងបំផុត
ចន្លោះមិនឃើញ
អ្នកមាន មិនចូលចិត្តការរំខានច្រើនទេ ដូចនេះហើយទើបពួកគេតែងចំណាយពេលជិះយន្តហោះផ្ទាល់ខ្លួនទៅសម្រាកលំហែនៅតំបន់កោះឆ្ងាយៗ។ ទោះជាដំណើរកម្សាន្តនេះ ចំណាយច្រើនមែន ប៉ុន្តែវាប្រកបដោយធម្មជាតិពិតៗ និងទេសភាពស្រស់ស្អាត ព្រមទាំងភាពឯកជន។ ខាងក្រោមនេះ គឺជាតំបន់កម្សាន្ត៥ ដែលអ្នកមានលើលោក ចូលចិត្តទៅលេងបំផុត៖
១. កោះម៉ាល់ឌីវ
ម៉ាល់ឌីវ ត្រូវបានគេចាត់ទុកថាជាឋានសួគ៌ពិតៗ ដោយសារភាពស្រស់ត្រកាលមិនចេះរីងស្ងួត នៃដែនកោះដ៏តូចមួយនេះ។ ម៉ាល់ឌីវ មានទំហំផ្ទៃដីសរុប ២៩៨គីឡូម៉ែត្រក្រឡា និងមានទីតាំងស្ថិតនៅក្នុងមហាសមុទ្រឥណ្ឌា។ ចំណែកតម្លៃស្នាក់នៅវិញពិតជាខ្ពស់មិនធម្មតា ខណៈ សណ្ឋាគារ Rangali Island Hotel ដែលសង់ជាកញ្ចក់លយចូលក្រោមផ្ទៃសមុទ្រ មានតម្លៃចាប់ពី ១ម៉ឺនដុល្លារក្នុងមួយយប់។ ក្រៅពីនេះ អ្នកមានទាំងនោះអាចចំណាយលុយ ជួលនាវាឯកជនជិះ ជួលផ្ទះឯកជនស្នាក់នៅ ក្នុងតម្លៃរាប់ម៉ឺនដុល្លារឯណោះ។
២. កោះ Laucala សាធារណរដ្ឋហ្វីជី
កោះ Laucala មានផ្ទៃត្រឹមតែ ១០គីឡូម៉ែត្រប៉ុណ្ណោះ និងមានទីតាំងក្នុងមហាសមុទ្រប៉ាស៊ីហ្វិកខាងត្បូង។ នៅលើកោះដ៏តូចនេះ មានបុគ្គលិក ២៥នាក់ រង់ចាំស្វាគមន៍រាល់ភ្ញៀវអ្នកមានក្នុងវិឡាទាំង២៥។ ចំណែកឯតម្លៃស្នាក់នៅវិញ ប្រហែល ៤២០០ដុល្លារក្នុងមួយយប់។
៣. កោះ Saint Barthelemey
កោះនេះ មានផ្ទៃប្រហែល ២៥គីឡូម៉ែត្រក្រឡា និងមានទីតាំងស្ថិតនៅក្នុងសមុទ្រខារីប៊ីន។ វិឡាជាច្រើនមានតម្លៃជួលជាមធ្យម ១០ម៉ឺន ទៅ ២០ម៉ឺនដុល្លារ។
៤. ប្រទេសអាហ្វ្រិកខាងត្បូង
ប្រទេសអាហ្វ្រិក ខាងត្បូង មានរយៈចម្ងាយឆ្ងាយបន្តិចមែន ប៉ុន្តែវាជាទីពេញនិយមរបស់អភិជន ដែលចូលចិត្តដំណើរផ្សងព្រេង។ ឆ្នេរសមុទ្រ និងសួនសត្វគ្រប់ប្រភេទ គឺជាកន្លែងដែលអ្នកមានប្រាថ្នាទៅដល់។ ចំណែកឯតម្លៃកន្លែងស្នាក់នៅកន្លែងប្រណីតៗ អាចថ្លៃរហូតដល់ ២៥០០ដុល្លារក្នុងមួយយប់។
៥. កោះហាវ៉ៃ
មូលហេតុដែលអ្នកមានចូលចិត្តទៅលេងកោះហាវ៉ៃ ដោយសារឆ្នេរដ៏ស្រស់ស្អាត កន្លែងវាយកូនគោលស្តង់ដារ អាកាសធាតុដ៏បរិសុទ្ធ រួមទាំងភោជនីយដ្ឋានល្អៗជាច្រើន។ ចំណែកឯការស្នាក់នៅសណ្ឋាគារ Four Seasons បន្ទប់មួយគ្រែពីរ មានតម្លៃជាង ៥០០០ដុល្លារក្នុងមួយយប់ ពេលថ្ងៃឈប់សម្រាកខែធ្នូ៕
ចុចអាន៖ តម្លៃផ្ទះសំណាក់នៅតំបន់៤ជុំវិញកម្ពុជា សម្បូរមនុស្សទៅឆ្លងឆ្នាំបំផុត
ប្រែសម្រួល៖ គង់ វិសាល ប្រភព៖ BBC