រឿងយុទ្ធសិល្ប៍ចិនថ្មី ចេញ Trailer ភ្លែតធ្វើឲ្យគេចង់មើលភ្លាម!

2015-01-29 18:42:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ចិនពូកែណាស់ខាងផលិតរឿង បែបសឹកសង្គ្រាម និងប្រើយុទ្ធសិល្ប៍ ហោះហើរសម្រាលខ្លួន ហើយថ្មីៗនេះមានរឿងមួយទៀតបានចេញ Trailer ហើយ គឺមានចំណងជើងថា “Zhong Kui: Snow Girl and the Dark Crystal"។

“Zhong Kui: Snow Girl and the Dark Crystal” ជាភាពយន្ត 3D បែបវាយប្រហារដោយយុទ្ធសិល្ប៍ កាប់សម្លាប់ស៊ីសាច់ហុតឈាម និងមានលាយឡំឈុតរ៉ូមែនទិកផ្អែមល្ហែម ជាពិសេសសំបូរទៅដោយតារាល្បីៗដូចជា Chen Kun និង Li Bingbing ជាដើម។

Chen Kun (陈坤) សម្ដែងជាវិរៈបុរស Zhong Kui (មនុស្សធម្មតា ដែលមានយុទ្ធសិល្ប៍) កម្ចាត់ពួកព្រាយបិសាច។ Zhong Kui ត្រូវគេចាប់បានក្នុងសមរភូមិប្រយុទ្ធរវាង ឋានទេវតា ឋាននរក និងឋានមនុស្ស ក្នុងថ្ងៃពេញបូរមី។ ចំណែក Li Bingbing (李冰冰) សម្ដែងជាបិសាចទឹកកក Xueqing ដែលលង់ស្រលាញ់ Zhong Kui បើទោះបីដឹងថា ស្នេហារវាងមនុស្សនិងបិសាចត្រូវហាមឃាត់។ ក្រៅពីតារាទាំងពីរខាងលើ នៅមានតារាសម្ដែងផ្សេងៗទៀតដូចជា លោក Winston Chao (赵文瑄) នាង Yang Zishan (杨子姗) លោក Bao Bei’er (包贝尔) និងតារាចម្រៀង Summer (吉克隽逸) ដែលច្រៀង Theme song បទ “Fen Bu Gu Shen” <奋不顾身>។

Trailer ចុងក្រោយនៃសាច់រឿងត្រូវបានគេបញ្ចេញកាលពីថ្មីៗនេះ ដោយបង្ហាញត្រង់ឈុតប្រយុទ្ធគ្នារវាង មនុស្ស ទេវតា និងពួកបិសាច។

ការប្រយុទ្ធពោរពេញដោយយុទ្ធសិល្ប៍ ដែលដឹកនាំដោយលោក Zhao Tianyu (赵天宇) ចាប់ផ្ដើមថតនៅថ្ងៃទី១៦ ខែកុម្ភៈ ឆ្នាំ២០១៤ និងចំណាយទុនអស់២០០លានយ័ន ប្រហែល៣៣លានដុល្លារអាមេរិក ហើយនឹងមានចាក់បញ្ចាំងតាមរោងកុន នៅថ្ងៃទី១៧ ខែកុម្ភៈ ឆ្នាំ២០១៥ ខាងមុខនេះ៕