វីវរហើយ Kendall Jenner ដេកជាមួយបងថ្លៃ
- 2015-01-29 18:21:34
- ចំនួនមតិ 0 | ចំនួនចែករំលែក 0
វីវរហើយ Kendall Jenner ដេកជាមួយបងថ្លៃ
ចន្លោះមិនឃើញ
វិថីសិល្បៈដើរម៉ូដរបស់ Kendall Jenner កំពុងដើររលូន ឥលូវស្រាប់តែលេចឮរឿងអាស្រូវក្នុងគ្រួសារថា នាងលួចលាក់មានសម្ពន្ធភាពលើគ្រែជាមួយបងថ្លៃ។ បើតាមទស្សនាវដ្ដី Star រាយការណ៍ថា Kendall Jenner បានដេកជាមួយ Scott Disick ដែលត្រូវជាបងថ្លៃក្រោយពិធីជប់លៀងមួយ ស្របពេលដែលបងស្រី Kourtney Kardashian កំពុងពពោះកូនទីបី។
ព័ត៌មាននេះត្រូវបានប្រភពជិតដិតនឹងគ្រួសារ Kardashian និយាយប្រាប់សារព័ត៌មានខាងលើ។ ប្រភពដដែលនោះបានលើកឡើងថា ក្នុងពិធីជប់លៀងមួយ អ្នកទាំងពីរ (Kendall និង Scott) បានបាត់បង់ម្ចាស់ការនៅឈានដល់ឡើងគ្រែជាមួយគ្នាបែបនេះ។ ធម្មតាការយកចិត្តទុកដាក់របស់បងថ្លៃមួយនេះគឺពិតជាស្អិតល្មួតមែនទែនទៅនឹងប្អូនថ្លៃកំពូលសម្រស់ ហើយដំណាលគ្នានឹងវ័យ ១៩ របស់ Kendall កំពុងពេញរូបរាងផង សម្ពន្ធភាពបងថ្លៃ និងប្អូនថ្លៃនេះក៏ត្រូវជ្រុលជ្រួសតែម្ដង។
រាប់ពីឆ្វេង៖ Scott, Kylie Jenner និង Kendall
ប្រភពលើកឡើងថា ពេល Kourtney Kardashian ដែលជាសង្សារយូរអង្វែងរបស់ Scott និងជាបងស្រីរបស់ Kendall ដឹងរឿងនេះពីមិត្តភ័ក្ដិជិតដិត នាងរន្ធត់ចិត្តជាខ្លាំង និងស្រែកថា "ពួកឯង (Kendall និង Scott) ងាប់មិនខាន"។
ក្នុងគ្រួសារ Kardashian កំពុងក្ដៅគគុកនឹងព័ត៌មាននេះ ខណៈ Scott បដិសេធថា ខ្លួនមិនបានធ្វើ និងគេចទៅឆ្ងាយពីរឿងទាំងប៉ុន្មាន។ ចំណែក Kendall បកស្រាយនឹងម្ដាយថា ជារឿងមូលបង្កាច់នាងប៉ុណ្ណោះ។
ចាំមើលភ្លើងស្នេហ៍ត្រីកោណត្រកូលអ្នកបង្ហាញល្បីនេះនឹងទៅជាយ៉ាងណា? មានតែការបកស្រាយជាសាធារណៈរបស់ពួកគេទេដែលអាចបញ្ជាក់ការពិតបាន៕
អាន៖ ស្រីស្រស់ Kendall Jenner លេងឈុតមើលឆ្លុះសាច់អត់អាវទ្រនាប់នៅប៉ារីស
ប្រែសម្រួល៖ សីហា ប្រភព៖ hollywoodlife