ម៉ី ជូបង្ហោះរូបភាពឌឺសារព័ត៌មានរឿង "លែងលះប្រពន្ធ"
- 2015-01-29 22:58:18
- ចំនួនមតិ 0 | ចំនួនចែករំលែក 0
ម៉ី ជូបង្ហោះរូបភាពឌឺសារព័ត៌មានរឿង "លែងលះប្រពន្ធ"
ចន្លោះមិនឃើញ
ព័ត៌មានទំនាស់ពាក្យសម្ដីរវាង Vanness Wu ឬប្រិយមិត្តស្គាល់ថា ម៉ី ជូ ក្នុងរឿង "ស្នេហាបួនដួង ឬ F4" ជាមួយប្រពន្ធលើបណ្ដាញសង្គម មិនទាន់ស្ងប់ស្ងាត់ផង ស្រាប់តែលេចចចាមអារ៉ាមបន្តថា តារាចម្រៀងតៃវ៉ាន់រូបនេះ បានលែងលះប្រពន្ធដាច់ស្រេចហើយ។
ដំណឹងនេះ ប្រៀបដូចយកសាំងស្រោចលើភ្លើងអីចឹង គឺធ្វើឱ្យ Vanness Wu ឆេះដុំជាខ្លាំង រហូតតារារូបនេះចេញមុខសរសេរសារ ឆ្លើយតបឌឺដង លើបណ្ដាញ Instagram របស់ខ្លួនឲ្យអស់ចម្ងល់។
សមាជិកក្រុម F4 ក្នុងរឿង "ស្នេហាបួនដួង" បានបង្ហោះរូបភាពថើបប្រពន្ធ អមដោយឃ្លាបរិយាយថា "អស់ហើយឬនៅ? ឈប់បង្កើតចចាមអារ៉ាមទៀត...អរគុណ!”។
បន្ទាប់ពីរៀបការ Vanness Wu និង Arissa Cheo តែងមានរឿងរកាំរកូស ក្នុងគ្រួសារមិនចេះចប់ រហូតឈានដល់ផ្ទុះសង្គ្រាមពាក្យសម្ដីដាកគ្នាខ្លាំងៗតាមបណ្ដាញ Instagram កាលពីខែមុននេះ។ ចង់ដឹងថាពួកគេមានបញ្ហាអ្វីនោះ សូមចុចត្រង់នេះ!
ប្រែសម្រួល៖ អ៊ុំ សុភក្តិ ប្រភព៖ Yahoo