បន្តិចទៀតនេះ!យុវជនជាង១ពាន់នាក់នឹងចូលរួមដង្ហែថ្មើរជើងបុណ្យមាឃបូជា ជុំវិញក្រុងសៀមរាប
- 2015-02-03 19:17:49
- ចំនួនមតិ 0 | ចំនួនចែករំលែក 0
បន្តិចទៀតនេះ!យុវជនជាង១ពាន់នាក់នឹងចូលរួមដង្ហែថ្មើរជើងបុណ្យមាឃបូជា ជុំវិញក្រុងសៀមរាប
ចន្លោះមិនឃើញ
យុវជនចំនួន ១០០០ នាក់ នឹងរួមដង្ហែថ្មើរជើងបុណ្យមាឃបូជា ជុំវិញ ក្រុងសៀមរាប ដែលនឹងចាប់ផ្តើមនៅបន្តិចទៀតនេះ។ នេះបើតាមប្រសាសន៍លោក នាង សុភាព មន្ត្រីទំនាក់ទំនងជាតិ និងអន្តរជាតិនៃសាលាគរុកោសល្យ និងវិក្រឹត្យការខេត្តសៀមរាប។
ក្បួនដង្ហែ ដែលត្រូវបានធ្វើក្នុងបំណងផ្តល់ឪកាសឲ្យ សិស្ស និស្សិត សប្បុរសជនទូទៅ និងភ្ញៀវបរទេសបានចូលរួមប្រារព្ធពិធីនេះ នឹងចាប់ផ្តើមនៅម៉ោង ១២:៣០ នាទីថ្ងៃត្រង់ ។
"នេះគឺជាលើកទី១ ហើយដែលសាលាបានឲ្យមានការចូលរួមដង្ហែ ថ្ងៃមាឃបូជា ក្នុងទ្រង់ទ្រាយធំបែបនេះ ក្នុងនោះគរុនិស្សិតមាន ៦០០ នាក់ សិស្សវិទ្យាល័យអង្គរ ៤០០ នាក់ ព្រមទាំងព្រះសង្ឃ យាយជី តាជី និមន្ត និងអញ្ជើញចូលរួម”។ លោក នាង សុភាព បន្ថែម។
មាឃបូជា ជាពីធីបុណ្យមួយដែលមានសារៈសំខាន់នៅក្នុងពុទ្ធសាសនា ដែលរួមមាន : មាឃបូជា ពិសាខបូជា អាសាឍបូជា និងបុណ្យបវារណា (ចេញវស្សា)។ បុណ្យមាឃបូជាប្រារព្ធឡើង ដើម្បីរំលឹកដល់ថៃ្ងដែល ព្រះសម្មាសម្ពុទ្ធទ្រង់ប្រកាសបង្កើត ព្រះពុទ្ធសាសនាឡើងក្នុងលោកនាប្រទេសឥណ្ឌាកាលពី ៥៨៨ ឆ្នាំ មុនគ្រិស្តសករាជ នាថៃ្ងទី ១៥កើត ខែមាឃ ក្រោយពីការត្រាស់ដឹងរបស់ព្រះអង្គចំនួន ៩ ខែគត់៕
រូបភាពនៅពេលដង្ហែ
អត្ថបទ៖មៃ សុខលីម
រូបភាព៖ លោក នាង សុភាព