ស្ពានជ្រោយចង្វារចាស់អាជ្ញាធរបានបិទចរាចរណ៍ទាំងស្រុងព្រឹកមិញ
- 2015-02-17 17:53:19
- ចំនួនមតិ 0 | ចំនួនចែករំលែក 0
ស្ពានជ្រោយចង្វារចាស់អាជ្ញាធរបានបិទចរាចរណ៍ទាំងស្រុងព្រឹកមិញ
ចន្លោះមិនឃើញ
អាជ្ញាធររាជធានីភ្នំពេញ បានបិទចរាចរណ៍លើស្ពានជ្រោយចង្វារចាស់ នៅថ្ងៃទី១៧ ខែកុម្ភៈ ឆ្នាំ២០១៥ ចាប់ពីម៉ោង ០៨:០០ ព្រឹកដល់ម៉ោង១៧:០០ ល្ងាច ដើម្បីត្រួតពិនិត្យបច្ចេកទេស និងសភាពទ្រុឌទ្រោមស្ពាន។
លោក កែប ជុតិមា អតីតអភិបាលរាជធានីភ្នំពេញបានសរសេរនៅលើបណ្ដាញសង្គមថា ចរាចរណ៍ត្រូវបានបង្វែរទាំងទៅ និងទាំងមកលើស្ពានជ្រោយចង្វារថ្មីវិញ។
អាជ្ញាធររាជធានីភ្នំពេញ បានប្រកាសថា ស្ពានមិត្តភាពកម្ពុជា-ជប៉ុន ជ្រោយចង្វារ បានស្ថាបនាឡើង ក្នុងអំឡុងទសវត្សទី៦០ ដែលមកដល់ពេលនេះ មានសភាពចាស់ទ្រុឌទ្រោម មិនអាចធានាបាន ការដឹកជញ្ជូនធុនធ្ងន់បានឡើយ។ ដូច្នេះដើម្បីដោះស្រាយបញ្ហាកំណើនចរាចរណ៍ និងការកកស្ទះ សាលារាជធានីភ្នំពេញ មានក្រុមបច្ចេកទេស នៃក្រសួងសាធារណការ និងដឹកជញ្ជូន សាលារាជធានីភ្នំពេញ និងក្រុមអ្នកបច្ចេកទេសជប៉ុន កំពុងចុះមកសិក្សា និងធ្វើពិសោធន៍ពីភាពជាប់របស់ស្ពានជ្រោយចង្វារចាស់នោះ៕
អត្ថបទ៖មៃ សុខលីម
ប្រភព និងរូបភាព៖ Page លោក កែប ជុតិមា