លី អ៊ីវ៉ាធីណា ចូលឆ្នាំថ្មីមាន ៧ បទ
- 2015-02-28 16:12:57
- ចំនួនមតិ 0 | ចំនួនចែករំលែក 0
លី អ៊ីវ៉ាធីណា ចូលឆ្នាំថ្មីមាន ៧ បទ
ចន្លោះមិនឃើញ
កញ្ញា លី អ៊ីវ៉ាធីណា តារាចម្រៀងរបស់ផលិតកម្មថោន បានប្រាប់ Sabay ថា នៅរដូវឆ្នាំថ្មីខាងមុខ នាងមានបទចម្រៀងរហូតដល់ទៅ ៧ បទ សម្រាប់វាយលុកទីផ្សារ។
បទចម្រៀងទាំង ៧ បទ លី អ៊ីវ៉ាធីណា មិនចាំចំណងជើងនោះទេ គ្រាន់តែដឹងថា បទចម្រៀងទាំងអស់ជាចង្វាក់ប្រពៃណី ដូចជា រាំវង់ រាំក្បាច់ សារវ៉ាន់ ម៉ាឌីហ្សន ជាដើម។
ចំពោះការច្រៀងឆ្លងឆ្លើយវិញ តារាចម្រៀងនិយមច្រៀងបទភាសាចិនបានល្អ ប្រាប់ថា បានចាប់ដៃគូជាមួយតារាចម្រៀង ៣ នាក់ ក្នុងនោះ មានដូចជា ករុណា ពេជ្រ, គ្រឿន និង Dj ឆាលីត។
កញ្ញា លី អ៊ីវ៉ាធីណា បញ្ជាក់ថា បទចម្រៀងទាំង ៧ បទ ដែលនាងច្រៀងត្រៀមចេញលក់ក្នុងពេលឆាប់ៗខាងមុខ គឺសុទ្ធតែជា ម៉េឡូឌីថ្មីទាំងអស់។ បច្ចុប្បន្ន បានថតចប់អស់ហើយ ខាងផលិតកម្មកំពុងតែមមាញឹកកាត់ត។
តារាចម្រៀងស្រីចាស់វស្សាក្នុងផលិតកម្មថោន និង ធ្លាប់បរាជ័យស្នេហាជាមួយមន្ត្រីថ្នាក់ផ្កាយនៅក្រសួងមហាផ្ទៃម្នាក់នេះ មិនទាន់ហ៊ានវាយតម្លៃមុនថា ទាំង ៧ បទ របស់នាងអាចផ្ទុះប៉ុន្មានបទឡើយ ដោយរង់ចាំមើល ចេញលក់ជាផ្លូវការសិន៕
អានអត្ថបទ៖ វីវរហើយ!…ស្រីអ៊ីត សាន់ដេ ដកសិទ្ធិ អានអត្ថបទ៖ ទៅរួចអត់ ខេមរៈ ភូមិន្ទ ចង់ល្បីដូច ខេមរៈ សិរីមន្ត? អានអត្ថបទ៖ បើកឆាកដំបូង នីឡា បាត់ iPhone 6 ១ គ្រឿង ម្សិលមិញ
អត្ថបទ៖ ខុត សីហា