ជម្រើសជាតិសីប៉ាក់តាក្រ គោរពវិញ្ញាណក្ខន្ធលោក ឈួន ឡេង មកពីមីយ៉ាន់ម៉ា

2015-03-04 21:47:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកីឡាសីប៉ាក់តាក្រ និង សីឈិនឡូន របស់កម្ពុជា ដែលកំពុងតែហ្វឹកហាត់នៅប្រទេសមីយ៉ាន់ម៉ា បានគោរពវិញ្ញាណក្ខន្ធ លោក ឈួន ឡេង អគ្គលេខាធិការសហព័ន្ធកីឡាសីប៉ាក់តាក្រ កម្ពុជា ទទួលមរណភាព នៅយប់ថ្ងៃទី ៤ មីនា នេះ ដោយរោគាពាធពីចម្ងាយ។

តាមរយៈទំព័រហ្វេសប៊ុក ពួកគេបានសរសេរថា៖ «ពួកយើងជាកីឡាករសីដក់ នឹង សីឈិនឡូន ដែលកំពុងធ្វើការហ្វឹកហាត់នៅប្រទេសមីយ៉ាន់ម៉ា មានសេចក្ដីក្រៀមក្រំ និង សោកស្ដាយ យ៉ាងខ្លាំង ដែលបាត់បង់ថ្នាក់ដឹកនាំដល់ល្អ ធ្លាប់បានសម្រេចសមិទ្ធផលយ៉ាងច្រើន គឺលោគ្រូ ឈួន ឡេង , ពួកខ្ញុំជា កូន ជា ចៅ ជាសិស្ស ទាំងអស់ សូម អោយវិញ្ញាណក្ខន្ធលោកគ្រូ ទៅឱ្យ បានសេចក្ដីសុខ។ ពួកយើងនឹងខំប្រឹងប្រែង ហ្វឹកហាត់ឱ្យ ល្អ និង ទទួលបានលទ្ធផលល្អ នៅក្នុងការប្រកួតនានា ឱ្យ ដូចបំណងរបស់លោកគ្រូបានផ្ដែផ្ដាំ!»។