គ្រូការពារជាតិបញ្ជាក់រឿង ស្តាតចាស់សម្រាប់ជម្រុះ World Cup

2015-03-04 23:13:54
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡដ្ឋានកងយុទ្ធពលខេមរភូមិន្ទ(ស្តាតចាស់)ត្រូវបានជួសជុលរួចរាល់ហើយនៅរសៀលថ្ងៃនេះដែលអាចរៀបចំការប្រកួតជម្រុះព្រឹត្តិការណ៍ World Cup ជើងទីមួយបានសម្រាប់ការប៉ះគ្នារវាងជម្រើសជាតិកម្ពុជា និងម៉ាកាវនៅថ្ងៃទី១២ មីនាខាងមុខនេះ។

លោក ទេព ឡុងរចនា គ្រូបង្វឹកក្លិបក្រសួងការពារជាតិបានឲ្យ Sabay ដឹងនៅរសៀលថ្ងៃនេះថា ការជួសជុល កីឡដ្ឋានស្តាតចាស់រួចរាល់ហើយត្រឹមរសៀលថ្ងៃនេះ និងរង់ចាំការត្រួតពិនិត្យដើម្បីសម្រេចចុងក្រោយរបស់សហព័ន្ធកីឡាបាល់ទាត់កម្ពុជាតែប៉ុណ្ណោះ។

អ្នកចាត់ការក្រុមរូបនេះបន្តថា ៖«ការជួសជុលរួចរាល់៩៩%ហើយចំណុចខ្វះខាតនៅតិចបំផុត ដូចជាការតុបតែងបន្ទប់អនាម័យ និងកាត់ស្មៅតែប៉ុណ្ណោះ។ ចំពោះកន្លែងអង្គុយទស្សនា និង បន្ទប់ផ្លាស់សំលៀកបំពាក់ បានជួសជុលរួចជាស្រេច»។

លោកបានឲ្យដឹងទៀតថា ថ្ងៃស្អែកនេះ សហព័ន្ធកីឡាបាល់ទាត់កម្ពុជានឹងចុះទៅត្រួតពិនិត្យមើលថាមានចំណុចខ្វះខាតអ្វី។ លោកគិតថា កីឡដ្ឋានស្តាតចាស់អាចមានភាគរយខ្ពស់សម្រាប់រៀបចំធ្វើម្ចាស់ផ្ទះនៃការប្រកួតជម្រុះ World Cup នៅតំបន់អាស៊ីជើងទី១រវាងកម្ពុជា និងម៉ាកាវ។

«សម្រាប់ទីលានស្តាតចាស់នេះ មានសង្ឃឹម សឹងថា ១០០% ទៅហើយ ព្រោះយើងសំអាងលើចំណុចសំខាន់ៗពីរ ទីមួយមានសណ្ឋាគារល្អៗនៅភ្នំពេញដែលកីឡាករងាយស្រួលស្នាក់នៅ និងមានមន្ទីរពេទ្យនៅជិត»។ អ្នកចាត់ការក្រុមរូបនេះបាននិយាយ។

សម្រាប់គេហទំព័រ FIFA.COM បានបង្ហាញថា ការជួបគ្នារវាងក្រុមជម្រើសជាតិកម្ពុជា និងម៉ាកាវ នៅកីឡដ្ឋានទព័ (ស្តាតចាស់) រាជធានីភ្នំពេញ។

ទោះជាយ៉ាងណារហូតមកដល់ពេលនេះ អ្នកគាំទ្របាល់ទាត់កម្ពុជាមិនទាន់បានដឹងនៅឡើយទេថា ការប្រកួតរវាងម្ចាស់ផ្ទះកម្ពុជា និងម៉ាកាវនៅថ្ងៃទី១២ ខែមីនាខាងមុខនេះធ្វើនៅទីលានណានោះទេ ខណៈរហូតដល់ពេលនេះសហព័ន្ធកីឡាបាល់ទាត់កម្ពុជាមិនអាចទាក់ទងដើម្បីបញ្ជាក់បានទេ៕

អត្ថបទ ៖ស្រី សុវណ្ណដារ៉ា

ពាក្យទាក់ទង

កីឡដ្ឋានកងយោធពលខេមរភូមិន្ទ

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

រំភើបណាស់! មាស២គីឡូក្រាម កំពុងរងចាំជម្រើសជាតិបាល់ទះកម្ពុជាឈ្នះព្រឹត្តិការណ៍មួយនេះ

សម្តេចតេជោ បានជួយ ១០ម៉ឺនដុល្លារ ដើម្បីព្យាបាលលោកសាស្រ្តាចារ្យ សំបូរ ម៉ាណ្ណារ៉ា ប៉ុន្តែនៅមិនអាចសង្គ្រោះបាន

ស្ពាន ចាក់អង្រែក្រោម-ព្រែកប្រា៖ សសរគ្រឹះ ២៤ដើម នៃជើងតាងទី៩ ចាក់បេតុងរួចរាល់ ១០០%

អត្ថបទថ្មី

Dispatch ហែកកកាយទង្វើ Min Hee Jin ព្យាយាមក្ដោប NewJeans និងលាភសក្ការៈពី HYBE

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

Unai Emery បានបន្តកុងត្រាថ្មីបន្តដឹកនាំ Aston Villa ថែម១រដូវកាលទៀត

ល្បីថា AC Milan បានសម្រេចដេញគ្រូបង្គោលរបស់ខ្លួននៅចុងរដូវកាលនេះ

ប្រធានក្លឹប Barca ទទូចចង់ឱ្យប្រកួត El Clasico លេងឡើងវិញ

កក្រើកមិនខាន! ក្រុមហ៊ុនម៉ូដែល CIM ប្រកាសរៀបចំកម្មវិធីធំ ៥ ក្នុងពេលតែមួយ