ចំណាយលុយឲ្យសង្សារកែសុដន់ថ្ងៃខួបកំណើត តែលទ្ធផលមិននឹកស្មានដល់

2015-03-14 23:24:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីឲ្យភ្ញាក់ផ្អើលនៅថ្ងៃខួបកំណើត បុរសម្នាក់បានបែកគំនិតនាំមិត្តស្រីចូលគ្លីនិកកែសុដន់ដោយមិនបានប្រាប់ឲ្យដឹងមុនឡើយ។ ខំចំណាយលុយអស់យ៉ាងច្រើន សង្ឃឹមថាមិត្តស្រីពេញចិត្ត ប៉ុន្តែបែរជាត្រូវនាងខឹងយ៉ាងខ្លាំង រហូតកើតជាហិង្សាផងដែរ។

បុរសវ័យ ២៦ឆ្នាំឈ្មោះ Wang Chen បានកក់គ្លីនិកកែសម្ផស្សឲ្យមិត្តស្រីខ្លួនដោយសំងាត់នៅក្រុង Zhengzhou ភាគកណ្ដាលប្រទេសចិន ដោយសង្ឃឹមថានាងនឹងភ្ញាក់ផ្អើល ព្រមទាំងរំភើបជាក់ជាមិនខាន។ លើសពីនេះ រូបគេថែមទាំងរកមិត្តភ័ក្តិម្នាក់ឈ្មោះ Li Wu ឲ្យជួយថតសកម្មភាពទុកជាអនុស្សាវរីយផងដែរ។

យ៉ាងណាមិញ រឿងហេតុមិនបានកើតឡើងដូចការគិតទុកឡើយ ហើយមិត្តស្រីឈ្មោះ Wen Ting បែរជាខឹងយ៉ាងខ្លាំងក្រោយពេលដឹងរឿងនេះ ព្រោះគិតថាមិត្តប្រុសមិនពេញចិត្តជាមួយទំហំសុដន់របស់នាង ព្រមទាំងកើតជាការវាយទាត់ធាក់ផងដែរ។

Li Wu ដែលជាអ្នករង់ចាំថតរូប បាននិយាយថា បុរសជាសង្សារនោះធ្វើការសុំទោស និងនិយាយថាស្មានតែនាងចូលចិត្តទំហំសុដន់ធំជាងនេះ។ យ៉ាងណាក៏ដោយ នារីជាសង្សារបានបញ្ជាក់ថាឈប់ទាក់ទងជាមួយបុរសនោះទៀតហើយ ប៉ុន្តែបុរសនោះក៏បានបញ្ជាក់ដែរថា នឹងព្យាយាមធ្វើគ្រប់យ៉ាងដើម្បីយកឈ្នះចិត្តនាងមកវិញ៕