អាយុ ១២ ឆ្នាំចេះបង្កើត Google Site ចែករំលែកចំណេះដឹងវិទ្យាសាស្រ្ត
- 2015-03-17 18:34:19
- ចំនួនមតិ 0 | ចំនួនចែករំលែក 0
អាយុ ១២ ឆ្នាំចេះបង្កើត Google Site ចែករំលែកចំណេះដឹងវិទ្យាសាស្រ្ត
ចន្លោះមិនឃើញ
ឆុន ស្រីលាភ ទើបតែមានអាយុ ១២ ឆ្នាំ ប៉ុន្តែមានសមត្ថភាពអាចបង្កើត Google Site មួយ ដើម្បីចែករំលែកចំណេះដឹងលើការសិក្សាមុខវិទ្យាសាស្រ្ត និងការស្រាវជ្រាវដល់មិត្តអ្នកសិក្សា។
ឆុន ស្រីលាភ ដែលកំពុងទទួលបានការបណ្ដុះបណ្ដាលនៅអង្គការសប្បុរសធម៌ឡៃហ្គ័របានឲ្យដឹងថា ការបង្កើត Google site ក្រុមគេដែលមានគ្នាចំនួន ៣ នាក់បានចំណាយពេលជាងមួយខែក្នុងការរៀបចំធ្វើ។
ស្រីលាភថា ការបង្កើត Google site គោលបំណងដើម្បីចែករំលែកដល់អ្នកសិក្សាពីមេរៀនវិទ្យាសាស្រ្ត ដែលស្រង់ចេញពីប្រភពនានា។ ក្នុងនោះមានដូចជាមេរៀន ការសរសេរនិងអានអក្សរសាស្ត្រខ្មែរ , គណិតវិទ្យា , ធ្វើតេស្តខួរក្បាល , វិទ្យាសាស្ត្រ និងការបង្រៀនប្រើប្រាស់កុំព្យូទ័រជាដើម ដែលអ្នកសិក្សាអាចចូលសិក្សាស្វែងយល់ដោយខ្លួនឯង។
ការបង្កើតគេហទំព័រស្រាវជ្រាវស្រីលាភទទួលការណែនាំពីលោកគ្រូ អ្នកគ្រូ និងការខិតខំប្រឹងប្រែងរបស់សមាជិកក្រុមម្នាក់ៗ។ ស្រីលាភបានបញ្ជាក់ថា ការបង្កើតគេហទំព័រនេះក៏មិនមានការលំបាកច្រើនទេ ដោយគ្រាន់តែមានការរៀបចំដូចជាត្រូវមានគណនីរបស់ Google និងការជ្រើសរើសទម្រង់ interface ដើម្បីផ្តល់ភាពងាយស្រួលដល់ការចូលសិក្សា។
ប្រិយមិត្តអាចចូលទៅកាន់ Google Site របស់ក្រុម ឆុន ស្រីលាភបានដោយ ចុចត្រង់នេះ....
ចំណែកប្រិយមិត្តចង់បង្កើត Google Site ដោយផ្ទាល់ខ្លួនចុចត្រង់នេះ... រូចតាមជំហានដែលបានប្រាប់។
ចុចអាន៖ ការពិតវីដេអូ ស៊ន សៀវម៉ី វាយគ្នានឹងតុក្កតា ជាស្នាដៃកូនខ្មែរបង្កើតឡើងទាំងលំបាក
អត្ថបទ៖ ដារ៉ាឆានី