ស្ពានវែងនៅកម្ពុជាចំនួន១២ អ្នកអាចមិនស្គាល់!

2015-03-18 16:01:52
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅកម្ពុជាមានស្ពានវែងជាងគេចំនួន១២ ស្ពានភាគច្រើនបានដាក់ឱ្យដំណើរការ ឯស្ពានខ្លះទៀតនៅមិនទាន់ដាក់ឱ្យដំណើរការនៅឡើយ។ ខាងក្រោមនេះគឺជាស្ពានដែលត្រូវបានកត់ត្រាវែងជាងគេ៖ -ស្ពានអ្នកលឿង ប្រវែង ២២២០ម៉ែត្រ ស្ពាននេះឆ្លងកាត់ទន្លេមេគង្គទី៣ គ្រោងនឹងសម្ពោធដាក់ឱ្យដំណើរការនៅដើមខែក្រោយនេះ ស្ថិតក្នុងខេត្តព្រៃវែង។ -ស្ពានកោះកុង (ឬស្ពានមិត្តភាព កម្ពុជា-ថៃ) ប្រវែង ១៩០០ ម៉ែត្រ។ ស្ពាននេះឆ្លងកាត់ទន្លេកោះប៉ោ ក្នុងខេត្តកោះកុង។ -ស្ពានសេកុង ប្រវែង ១៧៣១ម៉ែត្រ ឆ្លងកាត់ទន្លេមេគង្គទី៤ ស្ថិតក្នុងខេត្តស្ទឹងត្រែង។ -ស្ពានគីហ្សូណា ប្រវែង ១៥០០ ម៉ែត្រ ឆ្លងកាត់ទន្លេមេគង្គទី១ ក្នុងខេត្តកំពង់ចាម។ -ស្ពានព្រែកតាមាក់ ប្រវែង ១០៦០ម៉ែត្រ ឆ្លងកាត់ទន្លេមេគង្គទី២ ខេត្តកណ្តាល។ -ស្ពានព្រែកព្នៅ ប្រវែង ៩៩៦ម៉ែត្រ កាត់ទន្លេសាប ក្នុងរាជធានីភ្នំពេញ។ -ស្ពានព្រែកក្តាម ៩៨១ម៉ែត្រ កាត់ទន្លេសាប ក្នុងខេត្តកណ្តាល។ -ស្ពានកោះពស់(ឬស្ពានតេជោមរកត) ប្រវែង ៩០០ម៉ែត្រ ឆ្លងកាត់សមុទ្រ ក្នុងខេត្តព្រះសីហនុ។ -ស្ពានតាខ្មៅ(ឬស្ពានព្រែកសំរោង) ប្រវែង ៨៥៥ម៉ែត្រ ឆ្លងកាត់ទន្លេបាសាក់ ក្នុងខេត្តកណ្តាល។ -ស្ពានជ្រោយចង្វារទី២(ស្ពានមិត្តភាពកម្ពុជា-ចិន) ប្រវែង ៧១៩ ម៉ែត្រ ឆ្លងកាត់ទន្លេសាប ក្នុងរាជធានីភ្នំពេញ។ -ស្ពានជ្រោយចង្វារទី១ (ស្ពានមិត្តភាពកម្ពុជា-ជប៉ុន) ប្រវែង ៧១០ ម៉ែត្រ ឆ្លងកាត់ទន្លេសាប ក្នុងរាជធានីភ្នំពេញ៕