២ បទរបស់ កាកា កំពុងពេញនិយមក្នុងខែនេះ

2015-03-18 17:43:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ចម្រៀងពីរ បទ "ពេលបងឱបគេមាននឹកអូនទេ" និង បទ "បេះដូងម៉ែ" របស់ កាកា កំពុងពេញនិយមសម្រាប់ស្រទាប់យុវវ័យបច្ចុប្បន្នទាំងនៅភ្នំពេញ រួមទាំងបណ្ដាខេត្ត។ នេះបើតាមការអះអាងរបស់លោក មុំ មុនីរិទ្ធ។

អ្នកនិពន្ធរូបនេះ និយាយថា៖ "ចំពោះការនិពន្ធខ្ញុំបានចំណាយពេលក្នុងការសរសេរឲ្យគាត់យ៉ាងប្រិតប្រៀង ហើយជាលទ្ធផល ឃើញមានបងប្អូនយើងគាំទ្រច្រើន ”។ លោកបន្តថា រហូតមកដល់ពេលនេះ កាកា ថតបានចម្រៀងប្រមាណ ៥០ បទ មកហើយ ក្នុងរយៈពេល១ឆ្នាំនៃការរួមរស់ក្រោមដំបូលផលិតកម្ម Diamond Music។

អ្នកគ្រប់គ្រងតារាចម្រៀងផលិតកម្មខាងលើអះអាងថា ការថតចម្រៀងទុកជាច្រើនដូច្នេះជាគោលការណ៍ចង់ឱ្យមានចម្រៀងស្តុកឱ្យបានច្រើន។ មុំ មុនីរិទ្ធ បញ្ជាក់ថា នេះជាវិធីបង្ការ ព្រោះបើសិនជាម្ចាស់បទមមាញឹកចេញទៅច្រៀងនៅតាមបណ្ដាខេត្ត ឬក្រៅប្រទេសយ៉ាងណាក៏ដោយ ក៏ផលិតកម្មនៅតែអាចចេញអាល់ប៊ុមបាន។ អ្នកនិពន្ធដដែលបញ្ជាក់ថា មានបទជាច្រើនទៀតដែលនិពន្ធបទភ្លេងថ្មីសម្រាប់ កាកា រងចាំតែថ្ងៃចេញប៉ុណ្ណោះ ហើយភាគច្រើនជាបទមនោសញ្ចេតនា និង ញាក់កន្ត្រាក់អារម្មណ៍៕

ពេលបងអោបគេមាននឹកអូនទេ