ស្រីស្អាត ម៉ីម៉ី ចូលសិល្បៈព្រោះខកស្នេហ៍
- 2015-03-27 13:29:46
- ចំនួនមតិ 0 | ចំនួនចែករំលែក 0
ស្រីស្អាត ម៉ីម៉ី ចូលសិល្បៈព្រោះខកស្នេហ៍
ចន្លោះមិនឃើញ
ម៉ីម៉ី បានសម្រេចចិត្តចូលសិល្បៈ បន្ទាប់ពីចំណងស្នេហ៍ស៊ីជម្រៅជាមួយបុរសម្នាក់ ដែលរង់ចាំតែថ្ងៃចូលរោងការទៅហើយនោះ បែរឈានដល់ផ្លូវបំបែកមិនអាចផ្សះផ្សាបានទៅវិញ។ នាងអះអាងមកកាន់ Sabayថា ដោយសារតែពាក្យសំដីញុះញង់ពីសាច់ញាតិភាគីខាងប្រុសប៉ុណ្ណោះ។
ម៉ីម៉ី និយាយថា៖"ខ្ញុំមានបំណងតាំងពីក្មេងមកផង និងចង់បន្លប់ទុក្ខសោកពីការបែកបាក់ស្នេហាផង ទើបសម្រេចចិត្តចូលសិល្បៈតែម្ដងទៅ"។ ស្រីស្អាតកូនកាត់ចិនរូបនេះបន្តថា នាងទើបបានចាប់ផ្ដើមសិល្បៈប្រមាណជាង១ខែចុងក្រោយនេះប៉ុណ្ណោះ តាមរយៈផលិតកម្ម"សាស្ដា" ដោយបានថតMVបទ"កុំទាន់ Unfriend បង" និងបទ"អនុស្សាវរីយ៍ស្រុកកំពង់ត្រាច"របស់ផលិតកម្មមួយនេះ។
តារាថ្មីវ័យ២៣ឆ្នាំខាងលើបញ្ជាក់ថា ការងារសិល្បៈហាក់ដូចជាហត់នឿយបន្តិច និងត្រូវថតក្រោមកម្ដៅថ្ងៃភាគច្រើនក៏ពិតមែន ប៉ុន្តែជួយឱ្យនាងអាចបំភ្លេចបានមួយចំណែកនៃទុក្ខសោក និងជំនួសមកវិញនូវភាពសប្បាយរីករាយខ្លះដែរ។ ម្យ៉ាងទៀត នេះជាការងារមួយបានចំណូលបន្ទាប់បន្សំផងដែរ ក្រៅអំពីការងារស្នូលជាអ្នករៀបចំភ្ញៀវទេសចរបរទេស មកកាន់ប្រទេសកម្ពុជា។
ទោះបីជាយ៉ាងណា ស្រីស្អាតមានប្រភពមកពីខេត្តសៀមរាបខាងលើបានបញ្ជាក់ថា ពេលនេះផលិតកម្មនៅមិនទាន់មានបទចម្រៀងសម្រាប់នាងថតទៀតនៅឡើយទេ ហើយត្រូវរង់ចាំបន្តិចសិន ខណៈផលិតកម្មកំពុងរៀបចំផលិតបទចម្រៀងបន្តបន្ទាប់។ ជាមួយគ្នានោះ តារាស្រីស្អាតទើបជួបវិបត្តិស្នេហ៍ថ្មីថ្មោងរូបនេះបន្ថែមថា អំឡុងពេលនៃការរង់ចាំ នាងអាចបំពេញការងារស្នូលជារៀបចំភ្ញៀវទេសចរជាធម្មតា ឬអាចថតនៅផលិតកម្មថ្មី ប្រសិនបើមានការផ្ដល់ឱកាស៕
អានអត្ថបទ៖ ម្នាក់ៗសុទ្ធសឹងតែល្បីល្បាញ ក្នុងវិស័យភាពយន្តខ្មែរ ដឹងថា មានកម្ពស់ប៉ុន្មានអត់?
អានអត្ថបទ៖ ប៉ែន ចំរុង ជ្រើសរើសយកតែ ១ ក្នុងចំណោម ៥
អានអត្ថបទ៖ No More លែងហ៊ានគិតរឿងស្នេហា
អត្ថបទ៖ សំ ជំនាញ
រូបថត៖ ផ្ដល់ឱ្យ