រថយន្តទាំង ៨ ដែលប្រើក្នុងរឿង James Bond ពិសេសយ៉ាងណា?
- 2015-03-27 21:05:57
- ចំនួនមតិ 0 | ចំនួនចែករំលែក 0
រថយន្តទាំង ៨ ដែលប្រើក្នុងរឿង James Bond ពិសេសយ៉ាងណា?
ចន្លោះមិនឃើញ
រថយន្តបានដើរតួយ៉ាងសំខាន់ក្នុងភាពយន្តនីមួយៗរបស់ភ្នាក់ងារសម្ងាត់ James Bond ព្រោះឈុតឆាកវាយប្រហារទាំងប៉ុន្មានសុទ្ធតែទាក់ទងទៅនឹងរថយន្ត ហើយរថយន្តទាំងនោះបានបំពាក់នូវមុខងារពិសេសៗមួយចំនួនទៀតផង។ ខាងក្រោមនេះគឺជាការបរិយាយអំពីលក្ខណៈពិសេសរបស់រថយន្តទាំង៨ដែលប្រិយមិត្តមួយចំនួនធ្លាប់បានស្គាល់តាមរយៈសាច់រឿងរបស់ចារកម្មអង់គ្លេស៖
១. Bentley Mulsanne Turbo
ឡាននេះមានបង្កប់អាវុធពិសេសៗមួយចំនួននៅក្នុងថតនៃរថយន្ត។ វាមាននៅក្នុងឈុតមួយនៃរឿង "John Gardner's Role of Honour "។
២. Aston Martin DB5
វាជាឡានដែលល្បីជាងគេក្នុងចំណោមឡានទាំងអស់របស់ James ដោយសារតែវាមានលក្ខណៈពិសេសដូចជា កញ្ចក់ផ្ទាំងខាងមុខនិងខាងក្រោយធន់នឹងគ្រាប់កាំភ្លើង មានបំពាក់កាំភ្លើងយន្ត ផ្លាកលេខឡានអាចធ្វើការផ្លាស់ប្ដូរបានភ្លាមៗ។ មានប្រព័ន្ធតាមដានគ្រោះថ្នាក់ដែលអាចកើតមាន ហើយបើរកឃើញមានមែនកៅអីឡានអាចខ្ទាតចេញក្រៅដើម្បីការពារ។ ឡានមួយប្រភេទនេះបានបង្ហាញខ្លួននៅក្នុងរឿងចំនួន ៦របស់ James ។
៣. Aston Martin DB Mark III
មានមុខក្នុងឈុតមួយនៃរឿង Goldfinger លក្ខណៈពិសេសរបស់វាគឺភ្លើងមុខ និងក្រោយអាចផ្លាស់ប្ដូរពណ៌បាន។ តួខាងមុខនៃឡានស្រោបដោយដែកថែប ថែមទាំងមានបង្កប់កាំភ្លើងនៅក្រោមកៅអីតៃកុងឡានទៀតផង ។
៤. Aston Martin V8 Vantage Volante
រថយន្តនេះមានកង់ដែលបំពាក់ដែកគោល ហើយវាថែមទាំងអាចបញ្ចៀសគ្រាប់រ៉ុកកែតបានទៀតផង។ វាមានវត្តមានក្នុងរឿង "The Living Daylights"។
៥. Aston Martin V12 Vanquish
រថយន្តនេះមានសមត្ថភាពពិសេសដោយសារតែមិនអាចមើលឃើញដោយភ្នែកទទេបានទេ។ វាក៏មានបំពាក់អាវុធពិសេសៗផងដែរ ហើយកៅអីអ្នកបើកបរមានលក្ខណៈដូចគ្នាទៅនឹង Aston Martin DB5 ដូច្នោះដែរ។ វត្តមានរបស់វាមាននៅក្នុងរឿង "Die Another Day"។
៦. Aston Martin DBS V12
រថយន្តទំនើបដែលមានវត្តមាននៅក្នុងរឿង "Casino Royale and Quantum Solace" មានបង្កប់នូវកាំភ្លើងខ្លី Walther P99 និងគ្រឿងបរិក្ខារពេទ្យមួយចំនួន។
៧. BMW 750iL
មាននៅក្នុងរឿង "Tomorrow Never Dies" ឡាននេះអាចបញ្ជាតាមរយៈទូរសព្ទរបស់ Jamesបាន។ វាមានបំពាក់ប្រព័ន្ធបញ្ជារ៉ុកកែត ប៉ះកង់ដែលបែកដោយខ្លួនឯង កាត់ខ្សែកាបដែលនៅពីមុខឡាន ហើយអាចបាញ់គ្រាប់មូលដែលមានបន្លាស្រួចពីខាងក្រោយបាន ។
៨. Wet Nellie
ប្រើប្រាស់ក្នុងរឿង "The Spy Who Loved Me" វាជាឡានតែមួយគត់របស់ James ដែលអាចបើកនៅក្នុងទឹកបាន ។
អាន៖ Nong Poyd ភេទទី៣ទេ តែមិត្តប្រុសវិញទាំងសង្ហាទាំងកាលីប
ប្រែសម្រួល៖ ហៃ សុខហេង ប្រភព៖ jamesbond