ផ្លូវវេងស្រេងដែលល្បីថាហ៊ុយ ពេលនេះកាត់បន្ថយបានស្ទើរទាំងស្រុងហើយ
- 2015-04-07 12:00:21
- ចំនួនមតិ 0 | ចំនួនចែករំលែក 0
ផ្លូវវេងស្រេងដែលល្បីថាហ៊ុយ ពេលនេះកាត់បន្ថយបានស្ទើរទាំងស្រុងហើយ
ចន្លោះមិនឃើញ
ផ្លូវវេងស្រេង ដែលប្រជាជនតែងរអ៊ូមិនដាច់ពីមាត់រឿងបញ្ហាហ៊ុយទ្រលោមប្រៀបដូចមេឃចុះអ័ព្ទ ឥលូវនេះកាត់បន្ថយបានស្ទើរទាំងស្រុង ដោយសារសាលារាជធានីភ្នំពេញសម្រេចជួសជុលផ្លូវចាក់ដោយបេតុង។ ឥឡូវនេះ គម្រោងសម្រេចបាន ៧៥% ហើយ ដែលលែងបង្កការលំបាកដល់អ្នកធ្វើដំណើរទាំងរដូវប្រាំង និង រដូវវស្សាដូចមុនទៀត។ នេះបើយោងតាមគេហទំព័រសាលារាជធានីភ្នំពេញ។
គេហទំព័រដដែលក៏បានបញ្ជាក់ថា តាមរយៈការជួសជុលពង្រីកផ្លូវនេះ នឹងជួយបញ្ចៀសពីការកកស្ទះចរាចរណ៍ ដោយសារដងផ្លូវមានទទឹងធំទូលាយ ព្រមទាំងកាត់បន្ថយដីហុយស្ទើរទាំងស្រុងទៀតផង។ ទន្ទឹមនឹងនេះ សាលារាជធានីភ្នំពេញស្នើសុំប្រជាពលរដ្ឋ ដែលនៅសងខាងផ្លូវ មេត្តាកុំលក់ដូរលើសាច់ថ្នល់ ដែលធ្វើឲ្យប៉ះពាល់សណ្ដាប់ធ្នាប់ និង រឹតតែបង្កឲ្យស្ទះចរាចរ៕
សូមអាន ៖ ផ្លូវវេងស្រេងរលាក់យកតែមែនទែន
អត្ថបទ៖ លឹម សុនា រូបភាព៖ គេហទំព័ររាជធានីភ្នំពេញ