Cellcard ផ្ដល់ ២ ម៉ឺនដុល្លារបំពេញបំណង សៀវម៉ី កសាងអាគារក្លិបផ្ទាល់ខ្លួន

2014-10-09 00:15:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនទូរស័ព្ទចល័ត Cellcard បានសម្រេចផ្ដល់ជាកញ្ចប់ទឹកប្រាក់ចំនួន ២ ម៉ឺនដុល្លារសហរដ្ឋអាមេរិកដើម្បីសាងសង់អាគារផ្ទាល់ខ្លួនឱ្យកីឡាការិនី ម្ចាស់មេដាយមាស កីឡាតេក្វាន់ដូមកពីព្រឹត្តិការណ៍ Asian Games 2014 ស៊ន សៀវម៉ី ។

កីឡាការិនី ស៊ន សៀវម៉ី និងមេដាយដែលដណ្ដើមបាន

លោក ញ៉ាណ សុខវិសាល មន្រ្តីរបស់គណៈកម្មាធិការជាតិអូឡាំពិកកម្ពុជា (NOCC) បានលើកឡើងថា ការឧបត្ថម្ភរបស់ក្រុមហ៊ុនទូរស័ព្ទមួយនេះដើម្បីសម្រេចបំណងដល់កីឡាការិនី ម្ចាស់មេដាយមាស ដែលចង់មានក្លិបសម្រាប់បង្វឹកកីឡាតេក្វាន់ដូប្រភេទ WTF ផ្ទាល់ខ្លួន។

លោក វ៉ាត់ ចំរើន អគ្គលេខាធិការ NOCC និង លោក ញ៉ាណ សុខវិសាល បានពិភាក្សាគ្នាពីកិច្ចសន្យាឧបត្ថម្ភ ដល់សៀវម៉ី ជាមួយខាង នាយកប្រតិបត្តិរបស់ Cellcard នៅព្រឹកថ្ងៃទី ៨ តុលា នេះ។ ក្រៅពីទទួលបានកញ្ចប់ទឹកប្រាក់ជាសាងសង់អាគារនេះ សៀវម៉ី ក៏នឹងទទួលបាស៊ីមកាតលេខពិសេស និងក៏អាចធ្វើជាឯកអគ្គរដ្ឋទូតសុឆ្ឆន្ទៈ របស់ក្រុមហ៊ុនមួយនេះថែមទៀតផង។

ចំណែកការសាងសង់នឹងចាប់ផ្ដើមនៅពេលណាដែល សៀវម៉ី រកទីតាំងឱ្យបានជាក់លាក់មួយ៕

អត្ថបទ៖ ម៉ឺន រស្មី