អែនឌី ដាក់ផែនការវិលវិញ

2015-04-20 17:33:32
ចំនួនមតិ 0 | ចំនួនចែករំលែក 0

ចន្លោះមិនឃើញ

អែនឌី និង តារាចម្រៀងស្រី ២ រូបទៀត បានបង្ហាញគម្រោងត្រៀមធ្វើដំណើរតាមជើងយន្តហោះមកវិញហើយ ក្រោយចំណាយពេលសម្ដែង ១ ខែ កន្លះ នៅប្រទេសបារាំង។

តារាខាងលើ និយាយ ថា ពូកគេនឹងចាកចេញពីប្រទេសបារាំងនៅថ្ងៃទី ២២ ខែ មេសា ខាងមុខនេះ។ ជាមួយគ្នានោះ អែនឌី បានបន្ថែមទៀតថា លទ្ធផលនៃការសម្ដែងក្រៅប្រទេសរបស់អ្នកទាំង ៣ លើកនេះ ទទួលបានការគាំទ្រច្រើនគួរកត់សម្គាល់ពីប្រជាពលរដ្ឋខ្មែរកំពុងរស់នៅទីនោះ។ តារារូបនេះនិយាយថា៖ "ពួកយើងទទួលបានលទ្ធផលល្អណាស់ ព្រោះមានអ្នកទៅទស្សនាប្រមាណជិត ១០០០ នាក់ ឯណោះ"។

តាមរយៈ Sabay អែនឌី បានចាត់ទុកថា ដំណើរសម្ដែងច្រៀងលើកនេះ ជាជោគជ័យសម្រាប់ពូកគេ ខណៈប្រទេសបារាំងមិនសូវមានប្រជាពលរដ្ឋខ្មែររស់នៅច្រើនដូចសហរដ្ឋអាមេរិក។

អែនឌី បានបញ្ជាក់ទៀតថា ក៏មានអ្នកទាក់ទងដើម្បីទៅសម្ដែងនៅប្រទេសផ្សេងទៀតដែរ ប៉ុន្តែ ស្ថិតនៅក្នុងការពិចារណានៅឡើយ។ អែនឌី មិនដឹងថា ត្រូវសម្រេចចិត្តយ៉ាងណានោះទេ រង់ចាំពេលត្រឡប់មកដល់ប្រទេសកម្ពុជាសិន ទើបពិភាក្សាជាមួយអ្នកជ្រោមជ្រែងរូបនោះ បន្ទាប់មកធ្វើការសម្រេចចិត្ត៕

អានអត្ថបទ៖ ជីជី ថា រកស៊ីបានតែជិតៗ

អានអត្ថបទ៖ វីដេអូសិច តារាខ្មែរល្បីឈ្មោះ ៥ ដួង ធ្លាប់ល្បីថាធ្លាយ!