Bale បង្ហោះវីដេអូលើ Twitter បង្ហាញថាជារបួស អាចលេងថ្ងៃសៅរ៍បាន

2015-04-28 22:31:35
ចំនួនមតិ 0 | ចំនួនចែករំលែក 0

ចន្លោះមិនឃើញ

Gareth Bale អាចនឹងចូលលេងបានវិញ ពេលក្រុម Real Madrid ប៉ះ Sevilla នៅថ្ងៃសៅរ៍នេះ បន្ទាប់ពីគេបានបង្ហាញវីដេអូជាសះស្បើយវិញ ក្រោយពីរងរបួសកំភួនជើងអំឡុងការប្រកួត ដែល Real យកឈ្នះលើ Malaga ៣-១ កាលពីដើមខែនេះ។

អតីតកីឡាកររបស់ Spurs រូបនេះ បានបង្ហោះវីដេអូនៅលើ Twitter កាលពីថ្ងៃច័ន្ទ ដែលបង្ហាញពីការហ្វឹកហាត់ ដើម្បីឈានដល់អាច Fit បាន១០០% វិញ មុនការប្រកួត La Liga នៅចុងសប្តាហ៍។ មុនប៉ះ Sevilla នៅថ្ងៃសៅរ៍ Real នឹងប៉ះ Almería នៅយប់ស្អែកនេះ ប៉ុន្តែ Bale មិនទាន់អាចចូលលេងបានទេ។

កីឡាករវ័យ២៥ឆ្នាំ Bale បានអវត្តមានពីការប្រកួត Champions League វគ្គ៨ក្រុមចុងក្រោយប៉ះ Atletico Madrid និងខកខានប្រកួតក្នុងលីក ដែល Real យកឈ្នះលើ Celta Vigo ដល់ក្នុងដី ៤-២ កាលពីថ្ងៃអាទិត្យផងដែរ។

អ្នកចាត់ការ Real លោក Carlo Ancelotti ក៏ជឿថាកីឡាករជម្រើសជាតិវ៊ែល នឹងអាចបង្ហាញខ្លួន នៅចុងសប្តាហ៍នេះបានដែរ ប៉ុន្តែ Luka Modric និង Karim Benzema នៅមិនទាន់អាចលេងបានទេ ដោយលោកបាននិយាយថា៖ "ខ្ញុំគិតថា Modric ប្រហែលជាអាចចូលលេងបានវិញ នៅប្រកួតចុងក្រោយពេលប៉ះ Getafe។ Benzema អាចនឹងចូលលេងបានពេលប៉ះ Juventus ជើងទី១ ប៉ុន្តែ Bale នឹងអាចចូលលេងប៉ះ Sevilla នាថ្ងៃទី០២ ខែឧសភា"៕

សូមទស្សនាវីដេអូខាងក្រោម៖