សំឡេងក្មេងស្រី១២ឆ្នាំ ធ្វើឲ្យគណៈកម្មការ Britain's Got Talent ភ្ញាក់ផ្អើលគ្រប់គ្នា
- 2015-05-04 23:11:45
- ចំនួនមតិ 0 | ចំនួនចែករំលែក 0
សំឡេងក្មេងស្រី១២ឆ្នាំ ធ្វើឲ្យគណៈកម្មការ Britain's Got Talent ភ្ញាក់ផ្អើលគ្រប់គ្នា
ចន្លោះមិនឃើញ
ក្មេងស្រីអាយុ១២ឆ្នាំម្នាក់បានធ្វើឲ្យគណៈកម្មការទាំង៤រូបរបស់កម្មវិធី Britain's Got Talent រួមទាំងទស្សនិកជនជាច្រើនភ្ញាក់ផ្អើល តាមរយៈសមត្ថភាពច្រៀងដ៏អស្ចារ្យរបស់នាង នៅក្នុងការប្រកួតប្រជែងកាលពីថ្ងៃសៅរ៍កន្លងទៅ។
កុមារី Maia Gough មកពីតំបន់ South Wales នៃប្រទេស Wales បានច្រៀងបទ "I Have Nothing” របស់តារាចម្រៀង Whitney Houtson ដែលធ្វើឲ្យគណៈកម្មការទាំង៤រូបពេញចិត្ត និងកោតសរសើរគ្រប់ៗគ្នាចំពោះសមត្ថភាពរបស់នាង។
គណៈកម្មការ David Williams បាននិយាយថា "សមត្ថភាពច្រៀងរបស់ប្អូន ធ្វើឲ្យពួកយើងគិតថា ប្អូនមិនមែនក្មេងស្រីអាយុ ១២ឆ្នាំទេ ប៉ុន្តែជាកំពូលតារាចម្រៀងតែម្ដង។ ប្អូនអាចទាក់ទាញចំណាប់អារម្មណ៍របស់យើងមិនចាញ់បេក្ខជនពេញវ័យកន្លងមកនោះទេ"។
ចំណែកលោក Simon Cowell បានបញ្ចេញយោបល់ថា "Maia ប្អូនគឺជាមនុស្សតែម្នាក់គត់ដែលខ្ញុំត្រូវចងចាំនៅថ្ងៃនេះ។ ពិតជាពូកែ ពូកែមែនទែន"។
ជាមួយស្នាមញញឹម Maia បានទទួលចម្លើយ "Yes” ពីគណៈកម្មការទាំងបួនរូប ឆ្លងទៅកាន់វគ្គបន្ទាប់។
ទស្សនាការសម្ដែងរបស់កុមារី Maia តែម្ដង៖
ចុចអាន៖ការសម្ដែងមួយដែល ធ្វើឲ្យគេប្រហោងពោះពេញឆាក Britain’s Got Talent 2015
ប្រែសម្រួល៖ វ៉ាន់ថន ប្រភព៖ mirror